العلاج ممكن لكن لا حلول سحرية م3

العلاج ممكن لكن لا حلول سحرية م2
 تعب
 
 أنا مش عارفة أعمل إيه، حاسة إن الدنيا واقفة عندي من فترة كبيرة، سنين كنت بتعالج من اكتئاب، اتشخصت تشخيصات مختلفة من ضمنهم "اضطراب شخصية حدية".
 
 من فترة كبيرة قررت أبعد عن العلاج النفسي والدكاترة النفسيين، لكن حالياً أعصابي تعبت، بجد حاسة إني مش عارفة أخد قرار في أي شيء، كمان عندي قلق فظيع من إني أكون مش بنت، الصراحة في فترة المرض كان في بعض التصرفات مني بدون وعي بس مفيش دم نزل، الموضوع بجد عامل وش في دماغي خصوصاً إني مخطوبة وبحب خطيبي، ممكن يكون وسواس وأتمني ميكونش حقيقة.
 
 كمان مشكلة إن المشاعر بتزيد عندي أوي عن الطبيعي، وأحياناً تنعدم عاملة مشاكل.. كمان التسرع بيخليني أعمل مشاكل، وتعبت من حياتي ونفسي بجد في يوم ميكنش فيه مشاكل وتبقي الحياة وردي وده مستحيل لأن الحياة مش مثالية.
 
 كمان شوية أحس إني بحب خطيبي، وشوية لا، وشوية مش عارفة أتعامل معاه، حاسة إني مش بعرف أتعامل مع حد أساساً، ولا بعرف أتكلم عدل زي الناس،

وشوية أكره نفسي وشوية أحبها.
معلش طولت عليكم بس بجد تعبت.
14/8/2020