تنقيط البول باليقين شك أم وسواس؟؟

تنقيط البول باليقين شك أم وسواس؟؟
 
السلام عليكم. من ٦ سنين عندي مشكلة في الطهارة وهي أني عندما أتبول لا أشعر بنهاية التبول مع أن قوة الاندفاع طبيعية ولكن البقايا التي تبقي لا أستطيع إخراجها وتنزل مني يقيناً، وجربت كتير أنشف وأشوفها وبشوف بعد أن أقوم بعد حوالي نص ساعة.
 
قرأت كتير عن هذا الموضوع ورحت لأربع دكاترة مسالك وعملت الفحوصات وكله طبيعي، وآخر دكتور نصحني أني أعود جسمي على السرعة ومركزش لمدة شهر، وقالي إن كل ده هيروح، فأنا عندي أسئلة هي:
 
١_ هل من الطبيعي فعلاً عند كل الذكور وجود بقايا وممكن تنزل عادي؟ مع العلم إن عندي تلات إخوات وبيحصلهم نفس الكلام لكن مبيهتموش وده اللي بينصحوني بيه.
 
٢_ لما بخش أتبرز شديت على نفسي سنة تفضل معايا قطرات وبتتعبني، وكمان بطني في الغالب منتفخة بالغازات فلو مرة ومثلاً الغاز طالع لأني مبسيطرش عليه لو في صعوبة شوية بحس بنقطة بول بتنزل؟
 
٣_ دكتور وائل قال لحد بنفس موضوعي كدا إنه حتى لو بيشوف يطنش، وإن موضوع الانتظار نص ساعة أو ٤٥ دقيقة ده تشديد، فأنا عايز آخد بالرأي ده بس مش عارف الرأي الشرعي لأني صعب أقتنع.
 
وآسف لو طولت بس الموضوع عذاب كبير ومحرج وصدَّني عن قيام الليل والسنن الرواتب بعدما كانوا زي الفرض عندي بالظبط...
وشكراً لكم.
 23/8/2020
 
 وأرسل بعد 3 أيام يقول:
تنقيط البول باليقين شك أم وسواس؟؟
 
السلام عليكم... أنا أرسلت لكم من يومين استشارة، وبعتبر دي تكملة.... أنا مستصعب تنقيط البول باليقين.
 
أجوبتكم عشان بحس إن الجانب الفقهي يمكن متعارض لأن طالما بيبقى في يقين بيقولوا إنك تنتظر لما ينقطع، بس أنا لو عملت كدا أتعب أوي أكتر ما أنا تعبان.
 
أنا ليا حد من قرايبي كان عنده نفس القصة بتاعة التنقيط وفضلت معاه لغاية سن الخمسين وهيَّ بدأت من ١٨ سنة، فده بالنسبالي رعب لأن الموضوع بدأ معايا من أولى ثانوي بعد ما بقيت ألتزم بالصلاة في المسجد، بدأت بوسواس ريح، وبعدين بول (مرة اه، ومرة لا) وبعدين كمل معايا لغاية ما بقى حقيقة ومش عارف أخلص، ومتيقن.
 
رحت لدكاترة ومفادونيش بحاجة غير أني سليم.. فلو الحل أني أعرض تماماً، طب لو حتي ده هيساعدني ويعالجني فالصلوات اللي هتتصلى لغاية ما جسمي يتعود أو يتعالج أمرها إيه؟ وهل ممكن أصلاً؟
أنا آسف إني طوّلت، بس الله أعلم حياتي تأثرت إزاي بالأمر ده لدرجة إني بقيت موسوس في كثير من العبادات.
27/8/2020
 
وأرسل بعد 10 أيام يقول :
تنقيط البول باليقين شك ام وسواس؟؟
 
أنا آسف أن ذي ثالث مرة أبعث لكن أنا سالت شيخ أثق فيه جدا وقال لي وسوسة قلت له حتي لو حسيت أن مجرى البول مفضيش لأنه عادة مبيفضاش قال لي وسوسة بس في حد بيقولي ممكن ضعف في عضلات الحوض وأقويها بالتمارين لو ده صح الجانب الفقهي رأيه إيه وأنا مش متخيل أن ده كله ممكن يبقي وسواس أو أن التفكير ممكن يحول الأمر لحقيقة
6/9/2020
 
وأرسل بعد أسبوعين يقول:
تنقيط البول باليقين شك أم وسواس؟؟

أعلم كم الرسائل التي تأتيكم لكني بعثت برسالتي من ٢٧ يوماً فأرجو الرد
 21/9/2020