|
| 
|
أحبه لا لا أحبه أنا أحبها ! م
وسواس
سبق وأرسلت لحضرتكم مشكلتي وكانت أنني بعد إجبار نفسي على ممارسة العادة السرية دخلت في نوبة اكتئاب ونفور من الشخص اللي مرتبطة بيه من 6 سنين، وبعدها دخلت في حالة ثانية هي إني بدأت أشك إني شاذة جنسياً، بس الحمد لله الموضوع ده راح لحاله وقليل أوي لما بييجي في دماغي، لكن المشكلة الأولى لسه متسمرة، حتى بعد الكلام مع الشخص ده مرجعتش زي الأول، مش عارفة أحس إني مبسوطة، كان هو سبب سعادتي الوحيد، حالياً آه ببقى مبسوطة معاه بس مش زي الطبيعي أبداً.
أنا مش عارفة أوصف اللي حاسة بيه، لكن هو تاعبني، ليه مش عارفة أحس بكل حاجة زي الأول ولا عارفة أتبسط زي الأول؟! وليه شعور الحب تغير، واللهفة قلِّت برغم محاولاته الكتير إني أرجع؟! وأنا بفرح بمحاولاته دي بس مش زي العادي أبداً، ليه كل ده حصل بعد ما أجبرت نفسي على الممارسة وبقالي 3 شهور على الحال ده؟!
ممكن مشكلتي تبان تافهة، لكن حقيقي أنا تعبانة جداً ومحتاجة مساعدة، ليه مش عارفة أفرح زي الطبيعي؟
وليه بيجيلي وقت بحس فيه إني مش بحبه مع إني بحبه وعايزاه جداً ولما جت فرصة إني أسيبه مقدرتش.
26/11/2020
رد المستشار
الابنة الفاضلة "Wessam" أهلا وسهلا بك على مجانين وشكرا على ثقتك، ومتابعتك خدمة استشارات مجانين بالموقع.
سألك مجيبك الأول د. علاء مرسي (لماذا تريدين أن تقنعي نفسك بأنك تحبينه أو لا تحبينه؟.... هنا يكمن الصراع..... لا أدري إن كنت تعلمين حقيقة معنى الحب أم لا...)... أنت لم تجيبي على سؤاله ولا شيء إذن يضمن أن ما كان بينكما كان حبا.... وطبيعي في مثل هذا النوع من العلاقات أن ينشأ النفور من بعد التعلق..... ناهيك عن أنها لا تحدث من شخص يحب حقا كما يفترض أنك فهمت من عناصر الحب الناجح.
من فضلك نفذي ما نصح به مجيبك منذ أولى استشاراتك أي مراجعة معالج نفساني لمناقشة هذه الأمور.
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع >>>> : أحبه لا لا أحبه أنا أنفر منه ! م2
تعليقات الأعضاء