الخائفة أن تكون شاذة : تثيرني أجساد البنات م

الخائفة أن تكون شاذة : تثيرني أجساد البنات
السلام عليكم
 
بدي أعتذر منكم كتير إني عم أبعت استشارات، بس حابَّة أرسل كل شيء منشان تحلِلُون حالتي صح. عم تجيني وسواس عن الشذوذ إذا شفت بنت مكشوف صدرها أو ظاهرة مفاتنها، بس بسرعة بوقِّف هَي الوسواس، ودائمًا كل ما بتحسن وضعي وبنسى هاد الوسواس 3 أو 4 أيام بتخطر ع بالي أسئلة.
 
ليش كنت حب شوف أجسام البنات مع إنو الأجسام يلِّي كنت شوفها كانت نفسها، وكنت أستمتع؟... ما بعرف إذا كنت أحس بإثارة أو لا لأنه كنت صغيرة وما بعرف هي الأمور، وأوقات ببرِّر من باب الفضول، بس بيرجع وبخطر ع بالي إنه كنت أستمتع بهالشي، وبيرجع لي القلق وإني ممكن كون شاذة، مع إني بأكِّد إنو ولا مرَّة تخيلت إني كون مع بنت (أستغفر الله) أو فكرت بموضوع الشذوذ... على الرغم لما كان عمري 11 سنة شفت خبر زواج بنتين من بعض واستغربت من هالشي، ونسيت الموضوع... ممكن تجاوبوني ع هاد السؤال خصِّيصًا لأنو هو يلي عم يرجعني لنقطة الصفر.
 
والوسواس رجع لي كمان نتيجة تعب جسدي وإرهاق، هل هاد دليل اكتئاب وسبَّب لي هاد الوسواس لأنو أول مرة إجا هاد الوسواس صارت تجيني حالات خوف وهلع وبكاء، وما أقدر نام، وإذا نمت فيق خايفة، واستمر هالشي شهر كامل؟
 
هلَّا الوسواس خف، بس عم يخليني بحالة شك، مع إنو بعرف إنو مستحيل كون هيك لأنو لا فكرت بهالشي ولا عملت هالشي ولا رح فكر، بس ناطرة ردكن يلِّي متأكدة إنو رح ينهيلي هالعذاب هاد لأنو قلّت ثقتي بحالي وما عم أقدر ركز ع دراستي أو مستقبلي.
 
وسؤال تاني: هل طبيعي لو ضليت لبعد 18 أشعر بالإثارة إذا ظهرت صورة لبنت لابسة ملابس بتظهر المفاتن؟
وجزاكم الله كل خير.
17/1/2021