|
| 
|
وسواس الشذوذ الجنسي
بتمَنَّى من قلبي إنُّه تجاوبوا عليَّ بأسرع وقت... القصة بلَّشِت إنُّه أنا كنت ما فيني شيء، وبرتبط بالشباب، وبِحِبُّن كتير، ولا مرَّة فكَّرت إنُّه ممكن يكون عندي شذوذ أو ميول، لأني ما كنت حِبِّ جنس البنات أبدًا أبدًا.
لحتَّى إجَى يوم ارتبطت بشاب، وحبِّيتُه من كل فلبي، وهو حبني وكان صادق معي كتير، بس تركنا لأنه هو وضعه كان سيئ وما بيقدر يخطب بالوقت الحالي، وكان شغله مالو منيح، ووقتها قَلِّي إنه شوفي حياتك... أنا وقت تركنا أنا وِيَّاه كتير فِتِت بحالة نفسية بَشِعَة، وصِرت بِدِّي أطلع منها بأي طريقة، وبنفس الوقت تعرَّفْت على شاب تاني، بس كان مو منيح، وضحك عليَّ واستَغْبَاني وخَلَّاني أبعتله صوري، وبعدها صار ما عاد يهتم فيني... بنفس الوقت رجع حبيبي القديم وقالِّي إنه "أنا ظبَّطت شغلي، وخلينا نرجع لبعض وننخطب"، وأنا وافقت.
بعد ما بعت أمُّه وكل شيء اكتشف علاقتي يلِّي كانت بالشاب التاني اللي ضحك عليَّ، ووقتها أنا صار معي حالات هلع وخوف من إنُّه يتركني، بس هو بعد عناء طويل قالِّي "أنا مسامحك، وكل إنسان بيغلط"، بس أنا ما عَمْ سامح حالي، ولسَّه حاسَّة حالي بنت مالي منيحة إني هيك عملت، وإنِّي حاولت أَنَسِّي حالي بطريقة كتير بَشِعَة وقذرة.
وضَلِّ الخوف والهلع مرَافِقْني لوقت ما شفت فيديو ببرنامج مِثْلِيَّات عم يحكوا عن حالهن، ورجعلي الخوف والهلع بس بطريقة أبشع، يَلِّي هيَّ صار معي وسواس الشذوذ لأني حسيت إن بعد يَلِّي صار معي يمكن كِرِهْتِ الشباب أو ما بعرف كيف صار هالشيء وَارِد عندي، بس أنا مالي مرتاحة بها الأفكار المزعجة، وبِدِّي إيَّاها تروح، والشاب حبيبي واللِّي خطبني أنا بحبه وبموت فيه من قلبي، بس الإحساس بالذنب مرافقني، وجت قصة الشذوذ وخَلِّتني أتعب نفسيًّا أكتر، مع العلم إنِّي حكيت لخطيبي وقالِّي إنه هاد الشيء اللي عم فَكِّر فيه مستحيل، وقَلِّي إنُّه من سن البلوغ كان بَيِّن مَعِك هالشيء، وإنه بس هيَّ اضطرابات نفسية.
وصِرْتِ كمان بس شوف جسم بنت أحاول دَقِّق فيه كتير مشان شوف حالي بقبل إنه أكون معها أو بقرف، وصوت جُوَّاتِي ووسواس شيطاني بحاول يحبِّبْنِي بهالشيء، بس أنا مالي رضيانة، وبحياتي ما برضا، حتى البنات اللي رِفْقَاتِي وكنت حبهن من زمان صرت أخاف أكون حاببتن لغاية، مع إنِّي بعرف إنُّه أكيد لا، بس عَمْ حِسِّ في صوت جُوَّاتِي هو اللي عم يتحكم فيني ويحكي عَنِّي.
كيف ممكن طَالِع حالي من هاد الموضوع؟..
رجاءً تجيبون بأسرع وقت.
12/3/2021
رد المستشار
شكرًا على مُرَاسَلَتُك الموقع.
في بداية الأمر لا بد من الإشارة إلى أن أسلوب ومُحْتَوَى الاستشارة لا يُرْضِي من يحاول الإجابة عليها، ولا يُوجَد فيه وَصْفِ مرضي لما تُسَمِّينه "وسواس الشذوذ"..... مثل هذا الارتباك يُثِير الشك بإصابتك باضطراب نفسي جسيم، خاصَّةً أن الرسالة هي لِخِرِّيجَة جامعيَّة.
الرسالة تُشِير إلى تَعَلُّقُكِ برجل انفصلت عنه، وبعد ذلك ارتبطت بشخص آخر، وبعدها عَاد الرجل الأول للظُّهُور في حياتك وهو الإنسان الذي تعشقينه..... لا أعلم بالضبط إذا كانت هذه علاقة على أرض الواقع أم عبر عالم الفضاء.
بعد ذلك شاهدت فيديو لنساء مِثْلِيَّات (متى فعلتِ ذلك؟)، ومنذ ذلك الوقت أصابك ما تسميه وسواس الشذوذ والإرهاق النفسي، ولكن أكثر ما يُثِير الفضول هو حديثك عن صوت في داخلك يتحَكَّم بك..... العلامة الأخيرة تُثِيرُ الشَّكَّ بأن مشاهدتك لفيديو مِثْلِيَّات كان إدراكًا وُهَامِيًّا، وربما تطوَّر الأمر إلى عملية ذُهَانِيَّة.
هناك حاجة لمراجعة استشاري في الطب النفسي، حيث يشمل التشخيص الفارقي ما يلي:
١_ ارتباك عاطفي مع اضطراب الشخصية.
٢_ اضطراب ذُهَانِي.
٣_ اضطراب وُجْدَانِي مع أعراض وسواسية.
وفقك الله.
تعليقات الأعضاء