|
| 
|
وسواس النجاسة أي نجاسة حساسة ! م
الوسواس القهري
معلش كنت عايزة أقول كمان حاجة. أنا عندي شهوة بتجيلي لأسباب بسيطة زي إنِّي أَقْعُد على الأرض أو السرير، بيجيلي شهوة بدون سبب، ومش بِتِرضَى تبَطَّل، فعلشان كده برضو بغْتَسِل لكل صلاة. ولأنِّي بَحْتَرِز بمناديل في الصلاة بسبب حركة المناديل بَحِسّ إنُّه فيه مَنِي نزل. وكمان لمَّا بكون قاعدة مش بعمل أي حاجة ومش بفكر في أيّ حاجة بيجيلي شَهْوَة بدون سبب. والحاجه دي طول اليوم، إلَّا شويِّة ساعات _الحمد للّه_ بتْرُوح.
مش عارفة ده مَرَض ولَّا إيه، بس أنا هَلكَانَة، ولمَّا بَرُوح أغتسل بيجيلي إحساس الشهوه ده في الاغتسال بدون سبب، وساعات بتيجي وساوس بتزَوِّد من الإحساس ده، ولمَّا بخَلَّص اغتسال الإحساس بيبدأ يِخِفّ، والإحساس بتاع الشهوه بيِجِي برضو لمَّا أخاف مَعرفش بيجي ليه!
16/6/2021
ثم أضافت في اليوم التالي تقول:
الوسواس القهري
وكمان كنت عايزة أضيف حاجة. بسبب المناديل اللِّي بحُطَّها علشان الإفرازات لَقِيت فيها دَمّ. ومعرفش يعني كده أنا إنسانة مش كويسة، بسّ والله ده كله بسبب الوساوس. ومش عايزة أقول لأهلي لأنِّي خايفة يكون حاجة وِحْشَة، بس والله أنا مش بعمل حاجة غلط، والله كنت بعمل كده خَوفًا من انتقاض وُضُوئِي.
17/6/2021
رد المستشار
أهلَا وسهلَا بك يا بنيتي على موقعك مجانين
أما سؤالك عن المني وما تحسين به، فأنت دائمة حدث، أي: دائمة نزول المني الذي يتسبب لك بالحدث الأكبر. ومن كان هكذا فحكمه أن المني لا يجعله جنبًا ولا يحتاج إلى غسل كلما نزل. ثم باعتباره يستمر طوال اليوم، فخروجه لا ينقض الوضوء أيضًا. وعلى هذا: تتوضئين مرة واحدة، وتبقين متوضئة حتى لو نزل منك المني، وحتى لو جاءتك الشهوة، ولا يجب عليك الغسل إلا بعد الحيض. فلا تشغلي بالك بشيء، وعيشي حياتك الطبيعية كسائر الفتيات في مثل عمرك.
ثم الدم الذي رأيتِه على المنديل، إن لم يكن اضطرابات في الحيض، وكان كدم الجروح، فهو تخريش بسبب كثرة التنظيف، وبسبب المناديل، جربي استخدام قماش قطني وخففي الاستنجاء، وأظنه سيخف لأنك ستتبعين أحكام دائم الحدث.
ولا علاقة لهذا الدم بغشاء البكارة لا من قريب ولا من بعيد فاطمئني.
وفقك الله وكان معك.
ويتبع >>>>: الوسواس القهري وتأخير الصلاة ! م2
تعليقات الأعضاء