|
| 
|
وسواس قهري أم اضطراب هوية؟! م2
وسواس هوية جنسية؟! ساعدوني
السلام عليكم ورحمة الله وبركاته. أتمني دكتور وائل أبو هندي يَرُدّ على الاستشارة دي، ولَهُ مِنِّي كل الشكر على رَدِّه على الاستشارات السابقة.
أنا مش عارف أعمل إيه. والله تعبت تعبت تعبت، بقالي تلات أيَّام مش عارف أَرَكِّز في حاجة من الخوف والقلق. هحاول أحكي اللِّي حصل، بس اعذروني لو الكلام طِلِع مِشْ مُرَتَّب.
من ساعة ما جاء لي البلاء الأزرق اللِّي أنا فيه دا (وسواس اضطراب الهوية) وأنا بِيْدُور في دماغي مجموعة من الأسئلة اللِّي للأَسَف مش عارف أجاوب عليها، وبحاول إنِّي أَأَجِّلْهَا أو أتناساها علشان ما تصيبنيش بالخوف والقلق. بس من كام يوم حاولت إني أفكر في الأسئلة دي علشان أَلَاقِي ليها حل ومش كل شوية أَأَجِّلْها. والأسئلة دي عن الإصابة بالمرض ده وكده، زي:
1- هل مرض اضطراب الهوية بييجي للأشخاص مع بداية البلوغ، ولَّا مش شرط؟ لأن أنا كل شوية علشان أَطَمِّن نفسي إنِّي مش مُصابْ بالمرض أقول لنفسي أنا كنت طبيعي وأنا صغير، وحتّى بعد البلوغ لِحَدّ ما بقى عندي تقريبا 17 سنة وجالي الأفكار دي. يبقى أكيد ده وسواس؛ لأنِّي كنت طبيعي في خلال الـ17 سنة دول.
فالسؤال اللِّي ماسِك دماغي اليومين دول إنّ ممكن المرض يُصِيب حَدّ كان طبيعي قبل كده، فبخاف وبقلق جدًّا، ومببقاش عارف أعمل إيه. فهل يا دكتور كَوْني كنت طبيعي في فترة الطفولة وما بعد البلوغ، ونُمُوِّي على الفِطْرَة السَّلِيمَة ده دليل قاطع إنِّي لا يُمكِن أُصَاب بالمرض؟ لأنِّي كنت بستخدم الدليل ده كدليل قاطِع إنِّي لا يمكن أُصَاب بالمرض، لحد ما جالي فكرة إنّ ممكن الشخص الطبيعي يُصَاب بيه. فعاوز أعرف.
النقطة التانية إنّ قبل ما ييجي الوسواس وأنا مُيُولِي طبيعية جدًّا، بَمِيل للنساء زيِّ ما أيِّ راجل بيميل، ولكن بعد الوسواس _أنا والله يا دكتور مش عارف دي مُيُول ولا مجرد وسواس بس_ بَحِسّ إنِّي أحيانًا لمَّا أشوف رجل وسيم إنِّي بَمِيل ليه زي ميل النساء. وأنا ببقي كارِه إنِّي أكون كده، وبَقْلَق جدًّا والله، أنا حتى لو عندي المُيُول دي مش هَبْقَى مبسوط بيها. مع العلم أنَّ ميلي للنساء لسه موجود. هل مَيْلِي للنساء ده يَدُلّ على أنَّ المُيُول دي مجرد وسواس؟ ولَّا أنا عندي مشكلة كده؟
أنا خايف جِدًّا. قبل الوسواس لمَّا كنت بشوف راجل وسيم كنت بتمني أكون شَبَهُه. مكُنْتِش بميل بأيِّ شكل من الأشكال غير للنساء فقط. مش عارف إيه اللِّي حَصَل لي! يا ريت يكون مجرد وسواس بس.
أتمني يا دكتور وائل ترُدّ على كل أسئلَتِي وتُطَمْئِنِّي لأنِّي تعبت جِدًّا.
وشكرًا.
3/7/2021
رد المستشار
شكراً على متابعتك.
اضطراب تحَوُّل الهوية الجنسية أو التَّحَوُّل الجِنْدَرِي يبدأ قبل البلوغ استناداً لما تُشِير إليه معظم الدراسات إن كنت مُقتَنِعاً أو غير مُقتَنِعٍ بها. آخر ما يُفَكِّر به المُصاب بهذا الاضطراب هو الاستفسار من أَحَد، وإنْ كان يُعانِي منه فهو لديه قناعة بأنَّه في الجنس الخطأ. ليس بالضرورة أن تكون الطفولة غير طبيعية، ولكن أُكَرِّر أنَّ مَنْ هو مُصابْ بِهِ مُقتَنِع به. وما تتَحَدَّث عنه أنت يُشِير إلى إصابتك باضطراب نفسي آخر مثل: اضطراب الشخصية المُتَمَيِّزَة بسِمَات عُصابِيَّة. ولا يُمكِن استبعاد الفصام. أنت غير مُصاب بهذا الاضطراب (اضطراب تحَوُّل الهوية الجنسية).
راجِع طبيباً نفسانِيًّا، ولا تبحث عن الطمأنينة من خلال طَرْحِ أسئلة الإجابة عليها لم ولن تُقنِعَك.
وفَّقَكَ الله.
تعليقات الأعضاء