|
| 
|
التجاوز قرين الحركة، والأزمة فرصة نمو
اجتماعية
أنا آنسة كنت مرتبطة بشخص من سن الـ 19 للـ 22 وكان في وعد بالزواج فللأسف حصل تجاوزات وبعد فترة للأسف مشي بعد ما كان قايلي إنه خلاص بيكلم أهله وجاي يتقدم واختلق مشكلة وبطل يكلمني وبعدها بتلات شهور خطب.
وبعدها دخل شخص تاني حياتي، حكيت له اللي حصل كله ومحبتش أخبي عنه في الأول مكنتش بحب الشخص ده وكان عندي خوف وكل شوية كنت ببعد عنه بس هو كان بيرجع تاني وكان ميقدرش يتقدم في الوقت ده وده من سن الـ 23 للـ 28 ولكنه كان مصر إننا نكون مع بعض وهو كان أصغر مني بسنتين والموضوع فضل 5 سنوات يروح ويجي لأني أنا اللي كنت ببعد وبقوله مش عايزة أكون معاك وبعد فترة يرجع لي وبإصرار إننا نكون مع بعض ويقولي مش هتتخطبي لغيري لو حصل هقلب الدنيا.
حصل تجاوزات برضو للأسف بس كنت ديما بحس بحبه ولكنه في الفترة الأخيرة بدأ يبعد هو ويرجع وكان بيعدي بفترات أزمات كنت مش بكون جمبه بالصورة اللي هو عايزها وساعات كان هو بيبقى مش قادر أصلا يكون معايا فبنتخانق ونبطل نتكلم بطلت أحس الحب زى الأول منه بقيت أحسها علاقة قايمة على التجاوزات بس ده اللي بيرجعه حتى معاملته معايا بقت جافة جدا فجأة اتبدل حاله وبقى بيستسهل زعلي جدا بس كان ديما كل ما نبعد يرجع يبعت مسج أو يتصل ومرة لاقيته انتظار الفجر بعدها حالي اتقلب حسيت إنه هيضيع مش عارفة بقيت مجنونة وبراقبه على طول واتصل وأدور وراه وأتخانق كتير أوي على قلة الاهتمام أنا معرفش تعلقي بيه بقى جنوني وكان كل ما نسيب بعض يرجع يتكلم كده بيعاتبني معرفش هل هو كان حابب ينهي القصة أصلا وأنا كنت بفهم غلط فبحرجه إني بتعامل معاه عادي وإننا رجعنا لحد ما في مرة اتخانقنا بسبب إهماله ليا وعدم اتصاله بيا ديما وبعدها شالني من مواقع التواصل خالص مع العلم إنه قبل الخناقة بـ 3 أيام كان قايلي أنا كلمت عمي وهنبدأ ناخد خطوات رسمية وخطب برضو بس بعد 3 أسابيع بس.
أنا حاليا متلخبطة جدا في عدة نقاط هما شايفني رخيصة أوي كده؟ كل واحد مبيرضاش يتجوزني؟؟ ليه أنا متعلقة بيه كده حتى بعد ما خطب ومش قادرة اتخيل إنه سابني خلاص؟ علما إني في المرة الأولى تخطيت الموقف بسهولة أكتر، هل ده حب تملك وإني أنانية؟؟
تالت حاجة إحساس الذنب ناحية أهلي إنهم ميستاهلوش مني ده إني كل شوية أدخل في علاقة توصل لتجاوز مع خوف إن حد يفضحني ويتفضحوا وخوفي إن ربنا ميسترش علي.
ده غير إحساس الموت اللي مسيطر عليا بقيت حاسة إن حياتي بلا قيمة مش مستاهلة إني أعيش بتجيلي أفكار انتحارية كتير بس عمرى ما نفذت.. كمان مش قادرة أبطل أراقبه وأشوف خطيبته مع شكي أصلا إنه كان بيكلمها من فترة وبدور ديما على أى حاجة تثبت لي ده لكني لحد دلوقتي مش لاقية دليل قاطع لده بس فيه دلالات الانتظار الكتير في آخر فترة وبوستات الفيس بوك وكده، مع إن مع الشخص الأول محصلش كده زعلت شوية ونسيت.
هل ده معناه إني كنت بحب الشخص التاني بس مكنتش معترفة وإني كنت ببعده عني بس من الخوف ولا أنا دخلت صدمة بسبب تكرار نفس الموقف؟
اللي أنا عارفاه إني مش قادرة أتخطى اللي حصل مأثر علي بالسلب جدا حاسة بعقدة ذنب على عقدة نقص على احتياج ومش عايزة أدخل في علاقة جديدة وأنا مشوهة نفسيا لأني مش ناوية أدخل في علاقات غير الجواز الشرعي الحلال أنا نويت التوبة وربنا يقدرني عليها.
23/9/2021
رد المستشار
الابنة السائلة
شكرا على ثقتك فينا وأنت تنقلين لنا ما يدور في رأسك وفي مشاعرك، تمر بنا أحداث متنوعة وتنتج أدمغتنا قصصا تنسجها ونقرر قرارات بوعي وبغير وعي..... وأسئلتك تأتي من قلب الأحداث وتفاعلك معها.... لكنها ستظل بلا أجوبة لأنها تتعلق بتصورات وحكايات وتقديرات لا يمكن الجزم بدقتها.
كيف نعرف أو تعرفين تقدير أو نظرة من دخلوا معك في علاقة؟؟ وهل يرونك رخيصة؟؟ أم يرونك أي شيء آخر؟؟ وما قيمة قصصهم عنك؟؟ أو أحكامهم عليك؟؟ وقد ذهبوا إلى حال سبيلهم؟؟ وكيف تدركين أن نظرتك وتقديرك لنفسك هو مجرد تصور ووجهة نظر، وقصة صنعتها دماغك على هامش ما جرى لك من أحداث....
وماذا تتوقعين أو تنتظرين منا؟؟ هل ننسج نحن قصصنا الخاصة؟؟ ونصدر أحكاما عليك أو عليهم؟؟ أنا كطبيب تدربت أن أستخلص أعراضا من كلام صاحبة الاستشارة، لأشخص اضطرابا، وليس فيما تفضلت به أية أعراض غير ما يمكن تصنيفه اكتئابا تفاعليا تأسس على نظرتك وأحكامك وقصصك على ما مر بك من أحداث!!
التشخيص بأعراض اكتئابية مع وجود أفكار انتحارية يتطلب التدخل بتناول مضادات الاكتئاب تحت إشراف متخصص، أما ما مر بك من أحداث، وما أنت فيه من أزمة حالية فأنا أراها فرصة لرؤية عالمك الداخلي والعمل عليه في اتجاه الحركة والنضج والنمو، بدلا من النحيب والعديد وندب الحظ وبقية ما تفعلين بنفسك....
رحلة الاستكشاف هي رحلتك تقومين بها وحدك أو بصحبة مساعدة مساندة (بضم الميم)، لا أعرف جهة محددة أوصيك بها في ذلك... سأنتظر تفاعلك مع ردنا.
ودمت بخير.
تعليقات الأعضاء