|
| 
|
إصابات الولادة والوسواس: المهم العلاج يا ناس! م9
كوابيس عن الشذوذ
السلام عليكم، من بعد الاستشارة الأخيرة والحمد لله بدأت أتحسن تدريجيا، ولكن بقي لي حوالي ٣ أو ٤ أيام أعاني من أحلام أو بمعنى أصح كوابيس عن الشذوذ!!
أنا بدأت شغل في بداية الشهر دا يعني من أول يوم ١ أغسطس وحصل حاجات كثير في شغلي الأول كان إن تليفوني اتسرق ثاني يوم في الشغل دا غير إني لما ببقى في الشغل بحس إني ببقى مخنوق ومش مرتاح قلقان مش بسبب إني مش عاوز أشتغل بس من بعد ما جاء لي الوسواس بقيت أحس الأحاسيس دي وكل دا طبعا سبب لي ضغط نفسي كبير الفترة اللي فات، ... المشكلة إن الأيام دي آخر ٣ أيام تحديدا رغم إن في حياتي اليومية مبقتش أحس إن الوسواس بقى مسيطر عليّ زي الأول، إلا أن النوم بالنسبة لي بقى فيلم رعب!! بحلم بأحلام شاذة بتخليني أصحى قلقان وطول اليوم مكتئب
هحاول أقول بعض اللي بشوفه في الأحلام باختصار
في حلم أشوف فيه نفسي في الجيم فأروح أبص في المرايا ألاقي شكل رجلي شبه البنات رغم إن في الحلم كنت بحلم إني بتمرن عادي زي الرجالة بس لما رحت بصيت في المراية لقيت كدا طبعا صحيت مفزوع، وأحلام بحس إن عندي وسواس وأنا في الحلم يعني مثلا أشوف رجل في الحلم في موقف عادي أقعد أختبر نفسي هل في إثارة أو لأ زي ما بعمل في الواقع أحيانا بس دا في الحلم،، الحلم الأخير اللي حلمته آخر ليلة هو اللي مسبب لي قلق وخوف كبير وهو إني كنت في حلم كأني في فرح كعريس ولكن لاقيت العروسة ابن خالي!!
أنا مش عارف أفتكر حاجة عن الحلم دا ولا تفاصيله لأن دي الحاجة الوحيدة اللي فاكرها بس أنا بعد الحلم دا قمت مفروغ ومش عارف أعمل إيه واللي زاد توتري صحيت لاقيت في انتصاب فزاد القلق ولحد دلوقتي مش عارف تفسير دا كله إيه؟؟ عاوز أعرف يا دكتور هل الأحلام دي بسبب الوسواس ولا مشكلة أكبر من كدا بقالي أكثر من ٣ أيام بخاف كل ما أنام والله،
ساعات بحس إنها بسبب الضغط النفسي اللي جاء لي من الشغل هل ممكن يكون كدا!!
طمني يا دكتور
16/8/2022
رد المستشار
الابن الفاضل "Ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
واضح طبعا أنك مكروب وغير كامل التركيز وفي منتهى القلق والتوتر وهذا يكاد يكون أمرا طبيعيا وأنت في بداية مرحلة جديدة في حياتك، الأحلام في حالات الوسواس القهري لا تعني شيئا ... لكنه يستطيع استغلالها والتدخل فيها لينتصر دائما عليك، ويزيدك قيودا ومخاوف على ما فيك منها، تجاهل الأمر سواء تكرر أو توقف!!
اقرأ على مجانين:
وسواس قهري الموت وأحلام الموسوسين
اندماج الحلم الشخص: أحلام الموسوسين
أحلام الشذوذ وشكل المهبل الذي يفضل!!
واقرأ أكثر في سلسلة: عن أحلام الموسوسين بين التجاهل والتعايش.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع >>>>>>>>: إصابات الولادة والوسواس: المهم العلاج يا ناس! م11
تعليقات الأعضاء