صدمات متتالية فاكتئاب من فضلك علاج!

السلام عليكم
 
أنا فتاة أبلغ من العمر 25 سنة، أول صدمة في حياتي حصلت 2018 فقدت فيها أمي بسبب مرض، ما كنت متوقعة ومتخيلة أنها ممكن تتوفى ولحظه الوفاة كانت صعبة علي جدا ومن هنا بدأت مشاكلي، بقيت أحاول أحل محلها في البيت فكنت بضغط على نفسي جدا لو حاجة ما بعرفها بتعلمها وبحاول أعملها المهم بتصرف في أي حاجة عشان كدا أي حد بيحط حمله علي وكنت بستحمل رغم أني كنت في الجامعة وعندي دراسة وشغل البيت وأي حاجة علي لكن ما كنت بزعل ولا بزهق أبدا هو بس تعب جسدي
 
من وقتها وبابا مرض جدا وبقينا لافين بيه على الدكاترة وكنا مسفرينه لكن مرضه أصلا نسبة الشفاء منه مستحيلة إلا بالزراعة
 وتعب أكتر اضطر يدخل العناية المركزة واللحظة اللي ركبوا فيها أنبوبة التنفس كنت معاه فيها وما أخد كم يوم وتوفي وقبلها الدكتور كان بيحاول يهيأني للموضوع دا وكان خيروني لو احتاج أنبوبة التنفس نركبها ولا لأ لكن عشان عارفة أنه مافي أمل للعلاج والسفر كنت قولت ليهم ما تركبوها لكن لسه ما وقعت على الموافقه، وفي الآخر ركبوها وبعد كم يوم توفاه الله
 
 يلا بعدها كنا قاعدين عند خالتي وكنا عايزين نرجع بيتنا لكن في الأول كانت رافضة تماما بعد فترة اقتنعت ووافقت .. مشكلتي الحالية خالتي عندها مشكلة معايا ومع أختي الصغيرة بتحرض باقي الأهل عليها ولو في حاجة مثلا حلوة حد هيعملها ليها بتقول ليه ما في داعي وكدا وبتحاول قدر الإمكان تخرب عليها .. الحاجات دي بتضايقني جدااا يمكن أكتر منها وكذا مرة بعمل مشكلة حتى مرات لما نجي طالعين بتقول لينا مروا علي عشان تشوفنا لابسين ولا ترسل أولادا يقفوا لينا بعيد يشوفونا .. مع أنه ما حصل أبدا شافوا مننا حاجة غلط ما عارفة بتشك فينا ليه .. نحن أهلنا عرفوا يربونا حتى لو بدون رقابة خايفين من ربنا وعارفين حدودنا.. حتى لو أواجهها بالموضوع بتقول لي بتتخيلي وتضحك.
 
 ومفهمه الناس إن لبسنا غير لائق حتى كل خيلاني بقوا يشكوا فينا مع إن عمرهم ما شافونا متعديين حدودنا .. كذا مرة حكيت لخالتي الصغيرة كانت أقرب حد لي بعد ماما كان بتقف معاها وتقولي أي تمشوا وتوروها وقالت إنه هي عشان خايفة علينا بتعمل كدا.. أنا ما عندي مشكلة أعمل live location لو هي فعلا خايفة علي وولد خالتي يوصلني لكن مش يقف لي بعيد يشوفني .. هي مواقف كتير جدا مشابهة لا تدل على الحب أبدا بل شك وبتكون عشان الناس تشاكلنا ليه ما عارفة .. ومرات كتيير جدا بتألف للناس إنه نحن فعلنا وفعلنا وبكون ما حصل .. وحاليا الناس شايفنا أشرار وقليلات الأدب وبنتعامل معاها بطريقة غير لائقة وبنستغلها حتى بتصلوا بقولوا لينا بتعملوا في خالتكم كدا ليه.
 
 مع إنه نحن بنقف معاها وبنساعدها أكتر من بناتها والله لوعندهم حاجة .. والعكس غير صحيح لوعندنا نحن حاجة في بيتنا بنشتغل أي حاجة لوحدنا وبدون أي مساعدة منهم لأنه باختصار شايفنا أشرار وبقولوا لخالتي ما تساعديهم لأنهم شايفنها الضحية ونحنا بنستغلها .. عشان الكلام دا حتى لو قالت تعالوا اتغدوا عندي بقول ليها عملت أكل عشان ما أمشي ليها ويألفواعلينا كلام لأنه بجد ما بقدر أرد ولا أدافع عن نفسي من كتر ما بتصدم من الكلام .. حتى لو رديت ما هيصدقوني .. عشان كدا حتى شوية الجميل اللي كانت بتعمله بقيت أخليها تبطله.
 
 عموما أنا إنسانة قوية جدا وكل اللي فات دا الحمدلله قدرت أتخطاه وراضية جدا بقضاء الله .. لكن اللي اتغير الأيام دي أني بقيت بكره شديد ألاقي الناس ولا أطلع ولا أتكلم بالتلفون ولا حد يجينا .. وشغالة 3 أيام في الأسبوع وأحيانا بتزيد على حسب ضغط الشغل لما أطلع من البيت بكون بالعافية ومكرهة جدا حتى الناس اللي في الشغل لو قعدوا يتكلموا ويهزروا وكده ما بحب أكون معاهم
 ولو حد اتصل علي تيلفون ما برد ولما أشوف المكالمات بتجيني ضيقه شديدة .. برضو في البيت أنا المسؤولة من مشي السوق والأكل والنظافة دا غير دراستي وشغلي وإخواتي معتمدين علي بيساعدوني بس مش كتير فحاسه الحمل بقى تقيل علي جدا وبقينا في مشاكل حتى هم بقيت أتجاوز الكلام معاهم يعني لوعايزة أعمل حاجه بسويها لوحدي ما بطلب منهم حاجة عشان عارفة ما هيعملوها وهتضايق وبقى في حاجز مع أختي الأصغر مني على طول بقى كلامنا رسمي ومافي كلام بينا (أنا كل اللي عايزاه منهم يحسوني نتشارك الموضوع وعلى أقل تقدير للي بعمله)
 
 برضوعندي حاجة ولو الحتة ما نظيفة ومكركبة بكون عصبية جدا ومتضايقة جدا جدا .. برضو الضائقة المادية مأثرة فيني جدا لأنه حاسه حتى الأساسيات بقت صعبة وحياتنا اتغيرت جدا عن زمان وبخجل جدا أطلب من حد فلوس .. بديت بزنس كان ماشي نوعا ما ولما الدولار زاد الشغل وقف تماما .. حاليا بديت بزنس تاني لكن محبطه منه جدا .. عارفة إنه البدايات صعبة وربنا قادر يفرجها
 حاسهة إني كبيرة وما مني فايدة وما قادرة أعتمد على نفسي من ناحية المصاريف ولسه مشواري طويل شديد عشان أوصل لأنه تخصصي متعب ومشواري طويل .. برضو بتحصل مقارنات من الأهل إنه فلانة عملت وفلانة فعلت مع إنه والله أنا بحاول قدر ما أقدر أطور نفسي يعني بقرا وقرايتي أبدا ما سهلة وشغالة وفاتحة بزنس وماسكة مسؤولية أبدا مش سهلة أنا أبدا ما قاعدة ألوم نفسي لكن الناس ما راحمني مع إنه أولادهم ربع اللي بعمله أنا هم ما بيعملوه
 
 حاسة إني مكبوتة وما قادرة أفضفض لحد لأنه الناس بتفهمني غلط وبتعيب تفكيري إني معقدة عشان كدا بقيت بسكت وبطلت أحتك بيهم .. بقيت بكره أحكي لحد أنا بعمل إيه في حياتي بحس لما أكلمهم الحاجات بتخرب وما بتتسهل .. حاسة برضو جسمي خامل وأقل مشوار بيتعبني لأنه ما قاعدة أطلع خالص إلا للضرورة وأصلا عندي الغدة الدرقية خاملة وعندي القولون العصبي متعبني وبرضو عندي أرق بتعب خالص في النوم ممكن أكون ميتة تعب لكن ما قادرة أنام بفضل أتقلب بالساعات وألف في البيت وأفضل أفكر في حاجات negative وأبكي والحاجة دي شبه يومية .. الحمدلله ما بفكر في الانتحار لأني مؤمنة بس والله ضايقة بي جدا وعارفة في ناس يمكن تكون بتمر بظروف أصعب مني وصابرين .. بحاول أصبر على أمل إنها تفرج قريب
 
 واللي جد الفترة دي خالتي اللي كانت قريبة مني جات عندنا فترة (هي أصلا عايشة بره البلد وجات إجازة) بقيت أشوف منها ومن خالتي التانية تصرفات غريبة أي حاجة بقولها وبعملها بتتفهم غلط . خالتي جاية ومشحونة مننا خالص وبقت أي حاجة بتنتقدها وبتعلق عليها وهي أصلا مش حاصلة خالتي التانية محفظاها كلام وبتجي تسمعه بالحرف وتهزأنا واللي واجع قلبي أني ما بعرف أرد بكون مصدومة وبسكت ولوا اتكلمت بنكر وأصلا ما بتكون سامعاني من التهزيء .. وخالتي اللي معانا لما خالتي التانية جت بقت تعمل تمثليات كتييرة وتصرفاتها اتغيرت بتحاول تثبت كذبها اللي بتقوله في التليفون واحنا أصلا ما كنا فاهمين في الأول عشان كدا ما ركزنا خالص
 
 بس الحركات اللي بتحصل بقت لا تطاق أقل حاجه بتتدخل عشان تخرب علينا .. حتى في الكام يوم اللي جت فيهم قالت نشتري كم حاجة لجهازك عشان فرحي قرب كل ما تجيبلي حاجة وحتى في اللبس بتقول لها كفاية كدا كتير مش هتحتاج لكل دا وبكون واحدة 3 قطع أساسيه في الجهاز ولما نرجع البيت نتفرج على الحاجات وشها بتيغير وبتحاول تنتقد بأي طريقة الحاجات اللي جايباها .. أنا حاسة إني مش مبسوطة بالفرح لأنه أهلي اللي مفروض يكونوا أاكتر ناس فرحانين لي مش مبسوطين بفرحي .. لو قطعنا فلوس في نص الشهر وكلمنا خالتي اللي بره إننا محتاجين فلوس بتفضل تستجوبنا إننا بنعملوا بالفلوس إيه.. لأنه خالتي التانية مفهماها إننا بناكل ونشرب معاها واحنا يوم الجمعة بس اللي اللي بنروح لها فيه لأن باقي خيلاني بيجوا
 
 أنا وصلت لمرحلة إني بكرهها ومجبرة أسايس الوضع لأنها من أهلي وأقرب حد لينا .. بس حرفيا تعبت منها حتى يوم خطوبتي وأنا عروسة كنت واقفة فيها أنا وإخواتي لأنه خالتي مفهمة الناس إننا لسانا طويل ولو حد عمل حاجة ممكن نسمعه كلام وحش .. دي كلها غيرة وحقد مننا .. حتى لو أهل خطيبي جم عندنا البيت هو وأمه مستحيل يقولوا كلمة كويسة عني حتى هم بتفهمهم إني شخص سيء .. لولا إنه خطيبي يعرفني من زمان كان زميل لينا كان أكيد سابني .. أنا حاسة بالذل وضعف الحيلة ومتاكدة لو حكيت لخالتي كل اللي بحصل وأنكرت الحاصل مستحيل تصدقني لأن خالتي التانية مفهماها ومبرمجاها من زمان على الوضع وهي أصلا بعيدة مننا فمش عارفه الحقيقة.
 
 حتى أختي الصغيرة بتألف عليها تأليف رهيب دايما بتبين للناس إنها فارغة وتافهة .. وبقت تتمادى جدا لأننا بنسكت وأنا تعبت من السكوت وخايفة أتكلم لأنه متأكدة مفيش حد هيكون في صفي .. أنا مش عارفة هي عايزة مننا إيه، ربنا ممكن عوضنا بدراسة كويسة وجمال وخطوبة وتساهيل من عنده .. بس ربنا مدي لعيالها حنان الأب والأم اللي احنا اتحرمنا منه وشلنا المسؤولية من بدري.. احنا الحمدلله راضيين وشاكريين ربنا على نعمه وقضاؤه وعمرنا ما افترينا على حد ولا شايفين إننا أقل من حد لأن أهلنا عرفوا يربونا ونكون نضاف من جوا .. عمرنا ما قلنا إنهم بياكلوا ويلبسوا أحسن مننا .. وحتى لو حد حصلت له حاجة حلوة والله بنفرح له من جوا قلبنا.
 
 ولو حد احتاج حاجة بنساعد ونقف معاهم .. وحتى لوقاعدين مع ناس بنحاول قدر الإمكان نكون خفاف عليهم .. مع إنهم لو جم عندنا بيقعدوا ويمشوا زي الضيوف وعمرهم ما قدروا إننا عندنا امتحانات ومزاكرة ورغم كدا بنستقبلهم بأحسن صورة .. في تفاصيل كتيرة جدا بتدل على حقدها وغيرتها مننا .. بحاول قدر الإمكان أبعد منها عشان تبطل تتكلم وبرضو مش راحمانا .. بتقول لا بيجو عندي ولو رحت مش بيفتحوا لي الباب .. حتى يوم الجمعه بيقعدوا 10 دقايق ويمشوا .. وكل دا كذب احنا بنقعد مع الناس ونحط الأكل وقبل ما نطلع بنكون غسلنا المواعين ورتبنا كل حاجة ولما خيلاني يمشوا بنمشي.
 
 عايزة حل أرجوكم تصرف سليم وعاقل لأن أنا حاليا نفسيا مدمرة وعندي امتحان هعيده قريب وبسبب المشاكل الفترة اللي فاتت ونفسيتي ما نجحت في الامتحان مع إنه عمري ما سقطت في امتحان وكنت دايما من المتفوقين في مجالي ودراستي والحمدلله .. فقدت القدرة على التركيز مش قادرة أرجع أدرس تاني.
 
 دعواتكم لي ولإخواتي ربنا ينصرنا ويرح بالنا ويشغل الناس عننا ..
 وإن ربنا يوسع رزقنا وما نحتاج لأي حد في الدنيا
 5/9/2022