|
| 
|
استشارة نفسية
الموضوع بدأ من ٢٠١٩ أختي كانت بتتجوز حسيت ساعتها إن فيه حاجة كبيرة بتتاخد مني فضلت فترة عشان أستوعب دا وقتها كنت بشتغل فكان الموضوع مش قوي أوي .. بعدها ب ٦ شهور اتخطبت وبدأت أحبه في ١١/٢٠٢٢ بابا اتوفى كانت بالنسبالي صدمة آه ماكنتش قريبة منه بس ماكنتش متخيلة إن دا يحصل دلوقتي في الفترة دي خطيبي وقف جنبي ودا خلاني أحبه أكتر وكنت مستعدة أعمل أي حاجة مقابل إني أكمل معاه وبدأت أدخل في مشاكل مع أهلي عشانه
وبعد وفاة بابا ب ٧ شهور اكتشفت إنه على علاقة ببنات وبيتكلم عني بأسلوب مش لطيف في ظهري سبنا بعض وأنا حرفيا روحي فيه ولحد دلوقتي مش قادرة أتقبل إنه بقى مع واحدة تانية وعندي إحساس إنه هيرجعلي في يوم من الأيام ومجهزة حاجات كتير أحكيها له لسه مش عارفة أموف أون ولسه بحبه ودا شعور مضايقني خصوصاً إنه ميعرفش احنا سبنا بعض ليه وماحاولش يعرف وقتها فعلا اتأكدت أنه مش بيحبني ولحد دلوقتي بتصعب علي نفسي ليه أنا ماتحبش.
قولت لازم أشوف حياتي وآخد كورسات وأركز في دراستي وفعلا عملت كده وأمي شجعتني على دا، بعدها ب ١٠ شهور مامتي توفت .. ماتت قدام عيني وأنا معاها لوحدي في الشقة وماعرفتش أعملها حاجة وقتها أنا كنت عمالة أضحك وأهزر ولا كأن حصل حاجة وكملت حياتي عادي وأنا عارفة إن دا مش صح ومش دا الإحساس اللي المفروض أحسه أوقات كنت بدي ردود فعل غريبة يعني لو في مشكلة أو موقف حزين أنا بضحك وأهزر وبقيت بخاف من كل الناس الخوف بدأ من وقت وفاة والدي بس اتغلبت عليه
دلوقتي مش عارفة أعمل كده بقيت خايفة من كل الناس وحاسه إن أي حد هيأذيني ومحدش هيجبلي حقي ومش عارفة أثق في حد نهائي دايما بشك في اللي حواليا روحت لدكتورة اتشخصت اكتئاب وحسيت إني مش عايزة أكمل معاها وفعلا ماكملتش بس أنا مش كويسة نهائي دائماً عندي حالة من العنف بضرب أي حد حتى إخواتي وولادهم وضرب بيوصل للجرح بالضوافر وأنا مش عايزة أعمل كده أنا مش شخص عنيف دايما بيوصفوني أني هادية وطيبة وبحب الضحك والهزار
بقيت بحب أقعد لوحدي أغلب الوقت ومش عايزة أنزل من البيت وحركتي تقيلة جداااا حتى في شغل البيت البسيط حاليا حاسة حياتي واقفة مش عارفة أشتغل مش لاقية شغفي في حاجة وبفكر كتير أجرب كذا فكرة للشغل بس بمجرد ما أبدأ برجع أوقف تاني وأفقد الشغف .. دايما حاسة إني لوحدي بعافر وبحارب أفكاري لوحدي .. فكرة الانتحار دايما قدام عيني وبرجع أفتكر كلام ربنا وأحاول أبعد عنها وبقول أكيد ربنا هيعوضني وأكيد كل دا خير بس فعلا أنا مش عارفة أفكر ولا عارفة آخد خطوة .. خصوصاً إنى لما بحاول آخد خطوة بلاقي إخواتي أوقات بيحبطوني ..
ساعات إيدي بتعمل حركات لا إرداية ومببقاش عارفة أنا بعمل دا ليه ولا إيه المبرر؟؟
إيه اللي المفروض أعمله أو أكمل حياتي ازاي؟!!
6/9/2022
رد المستشار
صديقتي
"موف أون" معناها ترك شيء أو تخطيه .. أنت مصرة ألا تتركي أي شيء أو تتخطيه.. لا تقولي لا أستطيع لأننا مسؤولون عن ما نفعل بما نسمع ونرى ونفكر والمعاني التي نختارها والتي تسبب مشاعرنا "ولا تقف ما ليس لك به علم إن السمع والبصر والفؤاد كل أولئك كان عنه مسئولا" (سورة الإسراء آية 36) .. تأويلك أنك غير صالحة للحب لأن خطيبك لم يهتم بك هو تأويل غريب وغير منطقي على الإطلاق... وكأنك تقولين "إذا رمى أحدهم قطعة من الذهب أو جوهرة في سلة المهملات فلابد أن الذهب والجواهر لا قيمة لها في العموم وعلى الإطلاق بالنسبة لكل الناس" ... كيف يحدد فعل أو رأي أي شخص قيمة عامة شمولية تنطبق على الجميع؟؟
من ناحية أخرى، لا شك وأنك قد أسأت اختيار الخطيب وأخطأت التعبير عندما قلت لنفسك أنك تحبينه... الحب يتطلب أربعة أشياء: معرفة واهتمام واحترام ومسؤولية بالتبادل بين الطرفين... معرفتك به كانت ضحلة (بدليل اكتشافك أن له علاقات أخرى وأنه نمام أو يسخر منك في غيابك) ولكنك قلت لنفسك أنك تحبينه.. واضح أن الاحترام لم يكن متبادلا .. آمالك في أن يعود هي مضيعة للوقت وإن أراد العودة فستكونين بلهاء إذا وافقت... تريدين أن يعود لكي تحكي له ويحس بالذنب ويعتذر ويعدك بالحب والإخلاص ويقسم أنه قد تغير وأنك الوحيدة التي يريدها... لوصدقت هذا فلا تلومي إلا نفسك عندما يجرحك ويخونك مرة أخرى... الشرط الوحيد لتصديقه هو أن تكون هناك معلومات محايدة واقعية بأدلة واضحة (ليس ما يقوله هو) على أنه استقام لمدة ثلاث سنوات على الأقل.
لن تجدي شغفك في الحياة عن طريق الانعزال عن الحياة والمكوث في المنزل والتفكير من منطلق يائس أو مكتئب أو غاضب ... يجب الانفتاح على الحياة والتصالح مع النفس ومع الحياة وإدخال نفسك في حالة جيدة إيجابية (ولو لوقت قصير أو لحظات) لكي تفكري فيما تريدين أو ما يحرك الشغف بداخلك.
أدخلي نفسك في حالة جيدة... تصنعي أو تصوري أنك سعيدة ومليئة بالنشاط والأمل ثم اكتبي بخط اليد: ما الذي تريدينه من نفسك ومن حياتك؟ ما الذي سوف تفعلينه لو ضمنت النجاح؟ ما الذي يجب عليك فعله لكي تطمئني وتتخلصي من مخاوفك؟ ما الذي تخافين منه تحديدا وما هي احتمالات حدوثه؟ ما الذي يمكنك فعله لحماية نفسك؟
هذه هي البداية لحياة جديدة إن أردت
وفقك الله وإيانا لما فيه الخير والصواب
تعليقات الأعضاء