|
| 
|
الوحدة في الجامعة
من ساعة ما دخلت الجامعة وأنا لوحدي تماما آه بتكلم مع حد بس معنديش صحاب بخاف أتكلم مع حد، لما عرفت بنت خايفة أتكلم عن أي حاجة بقعد أقول أكيد دي مصاحباني مصلحة أكيد بتقول عني أني كئيبة وكذا وكذا وأنا بجد معرفش أنا ليه كدا مش باخد وأدي مع الناس
بخاف أتكلم بفكر في الكلمة ١٠٠٠ مرة قبل ما أقولها حتى مع الدكاترة بخاف أقول الإجابة بخاف أقعد في حرم الجامعة لوحدي أحسن حد يشوفني ويقول دي وحيدة، معنديش صحاب نفسي أعيش سنين الجامعة دي فعلا وأكون مبسوطة ويبقى عندي صحاب لكن معرفش أنا ليه كدا وإيه العيب اللي في أصلا
أنا اتعرضت لضغوطات كتير ومنهم أني لقيت أقرب ناس في حياتي بيقولوا كلام بشع عني شوفته بعيني وبيحقدوا علي وأبويا دايما مسبب لي ضغط نفسي مابقتش بثق في حد بعرفه بسهولة بس دلوقتي أنا كارهه الجامعة أوي لأني ولا عندي حد أفضل ماشيه معاه
وبحسهم كلهم بيستحقروني أو أكيد بيتكلموا علي يقولوا دي كئيبة ولأني مش عارفة أستمتع وأنا لوحدي
وأي مكان أروحه أتوتر وأقول أكيد حد هيشوفني وأنا مثلا بأكل لوحدي أو قاعدة لوحدي
6/10/2022
رد المستشار
صديقتي
مشكلتك تكمن في أنك مشغولة بالآخرين ونواياهم ورأيهم فيك.. لا شيء من هذا يهم إن كانت علاقتك بنفسك جيدة .. ما الذي تحبينه في نفسك؟ كيف تريدين أن تشكلي نفسك؟ مثل من؟ لماذا؟
تكوين الصداقات له علاقة برؤية ما هو جيد وطيب ومحمود في الآخرين عن حق وليس عن افتراض وتأويل وتمني .. له علاقة أيضا بالاهتمامات والهوايات المشتركة والمبادئ المشتركة... ما هي اهتماماتك وهواياتك؟ ما الذي يمنعك من إضافة المزيد منها؟ ما الذي يثير فضولك؟
المخاوف أيضا يجب أن تكون مبنية على حقائق... ما هو الخطر؟ كيف يحدث ومتى وتحت أي ظروف وشروط؟
إذا جلست وأكلت وحدك فهذا من حقك وليس هناك أهمية لرأي الآخرين في هذا ... من حقك أن تختاري أن تكوني وحدك من حين لآخر طالما أنت سعيدة بهذا.
وفقك الله وإيانا لما فيه الخير والصواب
تعليقات الأعضاء