|
| 
|
إصابات الولادة والوسواس: المهم العلاج يا ناس! م10
الحمد لله على كل حال
السلام عليكم يا دكتور وائل
من آخر استشارة كلمت حضرتك فيها وأنا بفضل ربنا إلى حد ما كنت كويس خلال الفترة دي باستثناء حالة بقيت بتجي لي آخر أسبوع تقريبا، وهي إني ساعات بحس إني نسيت نفسي أو نسيت شخصيتي مش عارف أوضح لحضرتك الإحساس ذا ازاي بس الموضوع مضايقني جدا ومسبب لي اكتئاب وقصدي هنا إني مثلا لما بشوف تفكيري أو دماغي من جوة عاملة ازاي بحس إني غريب عن نفسي وإن دا مش أنا!!
رغم إني طول حياتي عمري ما حسيت بالإحساس دا وعارف نفسي كويس وبحب شخصيتي، ومشكلة الموضوع دا كمان لما بيبقى مع وجود الوسواس، يعني مثلا لو جاءت في دماغي صورة بنت دماغي يقول لي إنت البنت دا فأحس بكدا رغم إني عارف إني مش كدا وأفضل أفتح وأغمض عينيا وأحاول أغير أجيب فكرة تانية.
لما قريت عن المرض دا عرفت إنه اختلال إنية ولكن زي ما قلت لك يا دكتور مشكلتي مع الموضوع دا لما بيجي مع الوسواس بيعملي قلق رهيب جدا وبتخنق، فهل في طريقة أقدر أوقف بها المرض دا ولا مضطر أتابع مع مختص، أنا المشكلة الفترة دي في الدراسة والحالة المادية مقصرة معي بس عاوز حضرتك يا دكتور بس تطمني إن الموضوع بسيط.
وأنا إن شاء الله هحاول أروح للدكتور في أقرب وقت
أنتظر رد حضرتك يا دكتور وائل
8/10/2022
رد المستشار
الابن الفاضل "Ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
ما تعاني منه الآن وعرضيا إن شاء الله هو شكل من أشكال الانفصال Dissociation الوسواسي وهو كما أشرت ما يسمى باختلال الإنية، ولا أدري ماذا تقصد بقولك (مشكلتي مع الموضوع دا لما بيجي مع الوسواس بيعملي قلق رهيب جدا وبتخنق) ... بصراحة أسألك ألم تكن تشعر بنفس القلق والاختناق مع وسواس الشذوذ؟ ما هو الجديد هذه المرة؟
كذلك قولك (ذا كمان لما بيبقى مع وجود الوسواس، يعني مثلا لو جاءت في دماغي صورة بنت دماغي يقول لي إنت البنت دا فأحس بكدا رغم إني عارف إني مش كدا وأفضل أفتح وأغمض عينيا وأحاول أغير أجيب فكرة تانية.) ... يعني تصف لنا ما يحدث وكأنها المرة الأولى يحدث لك وسواس مثلا بتهمة ما (أنت شاذ أنت كافر، أنت بنت...إلخ) مصحوبا بعجزك عن استشعار ما ينفيها داخلك وهو موجود يقينا داخلك لكنك معزول عنه بشكل أو بآخر، هذا بسبب عمه الدواخل وهو يصدق في حالات الوسواس القهري وهو مركزي كذلك في آلية اختلال الإنية وتبدل الواقع.
لا أرى لك عذرا في تأجيل طلب المعونة من طبيب ومعالج نفساني... أنت طالب جامعي وجامعات مصر كلها بها مستشفيات خاصة بالطلبة وللطلبة تأمين علاجي... يشمل الطب النفساني... على الأقل ابدأ يا "Ahmed" يا ولدي.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع >>>>>>>>: إصابات الولادة والوسواس: المهم العلاج يا ناس! م12
تعليقات الأعضاء