|
| 
|
مش مهم تقرأ .. كلام فارغ
سلام عليكم .. أنا طالب تالتة ثانوي 17 سنة .. مشكلتي الصراحة مش عارف أحددها لو يمكن هي أكتر من مشكلة عشان كده مشتت في التعامل مع نفسي أولا ياريت أتفهم لأن صعب أعبر .. أنا مدمن إباحية وعادة سرية للأسف من 5 سنين وبشوف إباحية مقرفة وعنيفة جدا.. أنا بعد ما أشوفها أقرف من نفسي واستحقرها وللأسف أكررها تاني وإزاي وقتها بحس بمتعة أنا مش عارف ..
أنا ممكن أقول إن عندي رهاب اجتماعي مش متأكد طبعا بس بخاف إني أتعامل مع ناس ودائما في البيت ويمكن ده سبب المشكلة .. أنا حاولت التعافي كتير وأكمل 20 يوم أكتر حاجة وأقع أكتر من الأول ممكن أتفرج ساعات في اليوم وأفعل العادة 7 مرات بعد ما كنت مشيت في مشوار التعافي كتير .. أنا تالتة ثانوي زي ما ذكرت ولا أعلم شيء عن المنهج وده شيء مسبب لي قلق دائما أنا أكيد كان نفسي أكون حد غير اللي أنا عليه حالياً بس مش عارف أنا ليه وصلت نفسي لكده .. ممكن حضرتك تشوفني طالب في فترة امتحانات ومذاكرش شيء ومدمن على الإباحية وجاي يشتكي .. وده مش قصدي أنا عايز أعرف أبدأ منين .. أهلي مش فاهمين حاجة عني هم فيهم اللي مكفيهم وأصلا مش هيقدروا يساعدوا
المشكلة أني أعتبر مرفه وحياتي حلوة لكن أنا ليه دايما عايش في دور الضحية ودائما حاسس بالندم تجاه كل اللي حواليا وحاسس بالعار والخذي من نفسي .. أنا بكره نفسي وبحاول أغير ده عشان يكون عندي سبب أني أطور منها وأبني مستقبل ليها مش دايما ألعن في نفسي .. بس كله بسبب أفعالي أنا ضعيف وبعيد عن ربي كل البعد ومشتت .. مش عارف المشكلة فين .. وحتي لو فيه إمكانية أني أروح لطبيب نفساني هقوله إيه .. هيقولي أنت بتستعبط ياحبيبي وأنت زي الفل والحقيقة أني والله مش زي الفل أنا تايه .. يمكن ده طبيعي في سني ممكن مراهقة يعني وشيء من هذا النوع.. لكن لأ في طلاب زيي ما شاء الله أوائل ومتفوقين وعندهم حياة بجد .. أنا حياتي عبارة عن لا شيء طب ازاي أغير ده؟؟
لو مفيش حد هيقدر يساعدني غير نفسي .. طب أنا ليه مش بساعد نفسي.. ازاي أساعد نفسي .. التوتر والخوف عندي زيادة جدا في أي وقت وأحيانا بجرح نفسي بأي شيء مكسور ده بيقلل التوتر جدا والحل التاني هو الإباحيه طبعا وبعديها أندم زي كل واحد بيمارسها .. حاسس إن مفيش أي حاجة حقيقية في اللي أنا فيه اليوم مفهوش شيء يذكر الأسبوع مفهوش شيء يذكر طب والمخرج فين؟؟
الصلاة تقيلة جدا على قلبي ده لو الوسواس خلاني أصلي أصلا و(أنا هبعت ده وأكيد الكلام مفهوش شيء للرد عليه هو زي فضفضة مش مشكلة حقيقية أنا بس المفروض أبدأ في المذاكرة والصلاة وكله هيبقي تمام أن شاء الله).
12/2/2023
رد المستشار
شكراً على استعمالك الموقع.
من الصعب على أي مستشار الاستنتاج بأنك تعاني من اضطراب نفسي ما٬ ولكن لا يصعب عليه الاستنتاج بأنك تمر بمرحلة تحاول فيها أن تحدد أهدافك ومسيرتك في الحياة. لا تتحدث عن أهداف المستقبل والاندفاع فيك لا يزيد عن الصفر بقليل٬ ولكن ربما كتبت رسالتك بسبب ظروف بيئية لا تتحدث عنها٬ ولا ترغب بمواجهتها.
جيل الألفية الثالثة يواجه تحديات عدة بسبب الإنترنت والتواصل الاجتماعي واصطدامه بمختلف الثقافات. في نفس الوقت لا يصعب القول بأن هذا الجيل يميل أكثر من غيره للاختفاء حول مصطلحات نفسانية لا عد لها ولا حصر يستعملها كمبرر لعدم تحليه بالمسؤولية واكتفاءه بمطالب الحرية في جميع الميادين. ما يزيد الطين بلة هو حماس الطب النفساني استعمال تشخيصات طبنفسية بسهولة مثل إدمان المواقع الإباحية والقلق الاجتماعي وسمات توحدية وغير ذلك من التشخيصات التي لا يقدمها الطبيب النفساني فحسب وإنما يمكن الحصول عليها مجانا عبر الإنترنت.
أعوام المراهقة في غاية الصعوبة بيولوجيا وفكريا واجتماعيا٫ وهي المرحلة التي تنقل الإنسان من موقع الطفولة إلى موقع البلوغ، وترى حتى عالميا الطفولة هي لعمر ١٨ عاماً. أنت الآن على أبواب البلوغ وهناك اختبارات تنتظرك ترسلك من مرحلة الطفولة إلى إحدى مواقع البلوغ. لذلك هدفك الأول مراجعة تعليمك والتركيز عليه.
حين ينتقل الطفل إلى مرحلة البلوغ يحمل معه فلسفة خاصة به وثقافة يكتسبها من تواصله مع الآخرين وتثقيف نفسه. لا يتم اكتساب ذلك عبر الإنترنت فقط٬ وبدلا من زيارة مواقع إباحية تضحك على البشر حاول التركيز على إثراء ثقافتك.
لا حرج أن تتحدث مع طبيب نفساني ولكن مرحلة الانتقال تحتاج إلى جهودك أنت فقط.
وفقك الله.
تعليقات الأعضاء