شطاف الماء والغشاء! عذاب بنات حواء!

 غشاء البكارة
 
 سلام عليكم .. أنا عمري ٢١ سنة مشكلتي ممكن تبان متكررة ولكن تفاصيلها مختلفة عن الاستشارات السابقة اللي شفتها، أنا من وأنا سني ٦ تقريبا كنت ديما أقعد في الخلاء فترة طويلة كنت الأول أستخدم شطاف الماء عادي للاستنجاء ولكن وجدت فيه نشوة وكنت بقعد فترة طويلة لحد ما أوصل للراحة بعدها، أنا كنت طفلة ومعرفش إن التصرف دة غلط ومحدش كان بيوجهني
 
 عمري ما دخلت حاجة حادة أو استخدمت صوابعي ودخلتها في منطقة المهبل على ما أتذكر، مش فاكرة في دم نزل زمان مني ولا لأ بس تقريبا لا وهي دي المشكلة أني مش فاكرة، المهم فضلت أمارس العادة السيئة دي بالشطاف لحد سن ٢٠ سنة وبعدها عرفت إن دة حرام لأني مكنتش فاهمة وعرفت إنه اسمه استمناء بس فضلت أحاول أوقفها وأرجع تاني غصب عني وأحاول أتوب وأرجع تاني ولسه آخر مرة من حوالي أسبوع تقريبا مارستها، اندفاع الماية بتاع الشطاف مكنش لطيف يعني كنت بستخدمه باندفاع قوي بس ديما كنت أوجه المايه على ما أتذكر لمنطقة أمام فتحة المهبل، ولكن خوفي يكون حصل تمدد للغشاء أو توسع فيه بسبب أن بقالي حوالي ١٥ سنة بمارس العادة السيئة دي، كثرت وسواسي وقرأت كتير أن ممارسة العادة بالشطاف ممكن تخلي البنت تفقد عذريتها مكنتش أعرف
 
 ديما وأنا صغيرة كنت بقعد فترة أطول لحد ما أوصل للنشوة عن لما كبرت وهي دي المشكلة أني كنت بعرض نفسي للماية فترة طويلة واندفاعها .. أنا مشتتة ومش عارفة أعمل إيه أنا أساسا شخصية عندي قلق عام ولكن اللي أنا بقوله دة متأكدة منه يعني كل دة حصل ومخوفني.. فكرت أني أروح لدكتورة نسا تكشف علي بس خايفة بصراحة جدا وخايفة من فكرة الكشف ومن نظرة الدكتورة ليا خاصة أني هكون معروفة في المنطقة وجايز تشوفني لأني في كلية طب الأسنان، وارد بعد زمن نتقابل وتبقى مشكلة، ولكن بردو أقول افرض لا قدر الله الغشاء اتفتح أو حاجة فأحاول أشوف حل أو أعمل عملية
 
 سؤالي هنا هل حضرتك شايف إن في حالتي دي الغشاء اتفض ولا صعب؟؟ وهل الأحسن أروح أكشف ولا بلاش؟! وهل ممارسة العادة بالشطاف لمدة سنين ممكن تؤدي لتمدد الغشاء وتوسيعه يعني مينزلش دم؟؟ هل ممكن أكون فقدت عذريتي دون نزول دم أو إحساس بألم يعني أكون فقدتها بشكل تدريجي عشان في دكاترة بيقولوا إن ممارسة العادة ممكن تخلي الغشاء يتفتح بشكل تدريجي دون نزول دم أو إحساس بالألم المعتاد؟!!!
 
 أرجو الرد لأن حالتي صعبة وخايفة جدا ومش عايزة أروح للدكاترة بس في نفس الوقت عايزة اطمن على نفسي
 شكرا جدا
 1/5/2023