الوسواس والصبية ذات الكلمات السحرية!
وسواس
عندي وسواس قهري بالكفر أصبت به في رمضان كان بداية المشكلة إني توهمت إن غلطت في أهل بلدي المصريين جائني الوسواس إن إذا أردت أن أعتذر فسأقول أعبدك يا كذا اللي هما المصريين وأنا خفت أن أقول كدا قلت أم أحل المشكلة الأولى عشان ما أقولش كدا وبالفعل حلتها ونمت وصحيت لقيتني باقول تلقائي في نفسي الكلمة دي وتوهمت أن قلتها ولغاية الآن معرفش قصدتها فعلا ولا لا؟
وبعدين في اليوم التاني بقى بدل كلمة المصريين بقى البشر فبقيت أقول في نفسي تلقائي الجملتين دول + ليجبرني أدعي عليهم بالموت، كانت في الأيام دي مفيش في دماغي إلا الجمل دي وجاءني الوسواس أن أقولها للشياطين في نفسي واتخنقت من حياتي وبقيت خائفة لأقولها فعلا مع إن أحس ساعات إني قلتلها بس مش متأكدة لأن في دليل إن مكنتش في نفس المكان اللي تصورت إني قلت لها فيه
بقيت طول الأيام دي أحلل دا من نفسي أو أتخيل، ولغاية الآن عايشة في الحالة ذي مش عارفة أخرج من الحالة دي لدرجة إن كنت بآخد شريط حبوب كامل من اللي أنا فيه كنت بحس إن الوسواس بتهدي شويه لما أعمل كدا وكنت بعد ما آخد الحبوب ببقى نفسي أموت بس محصلش مش عارفة ليه ربنا مش راضي يأخذني
أنا زعلانة إني بغضبه بس اللي في دا مكنش اختياري أنا نفسي أرتاح أوي من اللي أنا فيه هل فيه حل للحالة دي؟ أنا مش شايفة حل غير أن أموت أو أفقد الذاكرة، مع إن أخذت حبوب كثير بس محصلش حاجة، بس أنا مكنش قصدي إني أموت بهم كنت آخذهم مش عارفة ليه بس بعد ما أخلص ببقى نفسي أموت أنا مش عارفة أحدد أنا كافرة ولا لأ من اللي بيحصل لي دا. مش عارفة دا خلل في دماغي ولا إيه؟
لأن حصل معي موقف قبل ما الحاجات دي تحصل كنت في مرة ناوية أن أروح مشوار بدري وكل ما أنوي أقوم أحس إن بتكتف ومش عارفة أرفع دماغي لغاية ما حسيت إن قاومت وقمت فعلا ولقيتني في الآخر نايمة لسه مع إني حسيت إني قمت وشفت المخدة وأنا برفع رأسي وفي الآخر طلعت نايمة، وطول ما أنا في الحلم دا اللي حسيت إني قمت فعلا كان حاجة بتشدني عشان مطلعش من الأوضه وبقيت ماسكة في الدولاب وأقاوم عشان أخرج مش عارفة إيه دا أول مرة تحصل لي كان الجاثوم دا بيجي بتكتف بس أول ما كنت بقرأ قرآن كان بيمشي وخلاص.
وبقيت أحس إن عملت حاجات ولما برجع أراجع الموقف بلاقيني مكنتش في المكان دا أصلا
بس بحس فعلا إني عملت كدا.
14/5/2023
رد المستشار
الابنة الفاضلة "حبيبة" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
كل ما ذكرته لا يشير إلا إلى وجود اضطراب نفساني (وغالبا أكثر من اضطراب) ليس فيه كفر كله، ولا كفر ولا حساب على كل ما يتعلق بالكفر في مريض وسواس الكفرية يعني اطمئني تماما إلى سلامة إيمانك وبقائه عند الله كما هو عندما بدأك الوسواس بالكفر.
اقرئي على مجانين:
نطقت بالكفر أو لم تنطق: الموسوس بالكفر لا يكفر!
وسواس الكفرية: حتى النطق بالكفر ليس كفرا!
الموسوس بالكفر لا يكفر ولو ظن أن أراد!
وسواس الكفرية: الموسوس لا يكفر ولا يرتد
أشعر أنها مني! وسواس الكفرية!
وسواس الكفرية حيل كالمعتاد عديدة!
الأعراض والظواهر التي تصفين لنا لا نستطيع تحديد تشخيص دقيق على أساسها، يعني قد يكون الأمر وسواسا قهريا وقد يكون ذهانا، وقلنا لك منذ 15 سبتمبر 2022 يعني منذ ثلثي السنة عندما أجبناك بأن لديك تفكيرا سحريا قد يكون وسواسيا أو ذهانيا (ما ننصحك به هو أن تبحثي عن طبيب ومعالج نفساني سلوكي معرفي "م.س.م" مختص بعلاج الوسواس القهري). وأنت تجاهلت أمر تواصلك الأول مع الموقع تماما ثم بعد 8 أشهر أرسلت إفادتك هذه وكأنك جديدة على الموقع.
ومرة أخرى أهلا وسهلا بك دائما على موقع مجانين، نفذي توجيه الموقع ثم تابعينا بالتطورات.