|
| 
|
بدلا من تفريغ الغضب تحدثي مع المعالج!
دواء الذهان والصرع ... ده الانتحار أسهل منهم
السلام عليكم ورحمة الله وبركاته، وبما أني جربت الموقع هنا أكتر من مرة وجاب معايا نتيجة كويسة الحمد لله، فقررت أجربه تاني في استشارة مستعجلة
باختصار تم تشخيصي اليوم بمرض (اضطراب ثنائي القطب) وهو تشيخص قديم وكنت أعالج منه منذ حوالي أكتر من 20 سنة ... بس كنت بهرب من العلاج بسبب الأعراض الجانبية البشعة لأدوية الصرع ... ونفسي قبل ما أموت أشوف دكتور نفساني من اللي بيكتبوا أدوية الصرع دي بكل أريحية وهو بيأخدها لمدة طويلة، وبعدها ابقوا (بجحوا) في وشنا واتهمونا بالإهمال وأننا مش عايزيين نتعالج
المهم الدكتورة النهاردة كتبت لي نفس العلاج (الزفت) بتاع الصرع وزودت عليه علاج الذهان ... طب ليه؟؟؟ هو مضاد الاكتئاب كفر؟؟ ولا (البوسبار) حلف ما يجيب مفعول معانا؟؟؟ أيوه أنا عايزة أتعالج وهموت وأتعالج لأني كنت بعرف أسيطر على نوبات القلق من غير أدوية، لكن دلوقتي الموضوع فلت مني ومش عارفة أسيطر عليها بقت تتكرر يومياً وبآلام شديدة في الأعصاب ... لكن مش هرجع تاني (للزفت) دواء الصرع ... والدكتورة من مواليد برج العذراء - ما أنا اتصاحبت عليها - وراكبة رأسها وألف سيف ما تبدل الدواء ولا تبدأ علاج نفساني من غير ما آخد (الزفت) دواء الصرع ...
السؤال : ممكن أتعالج بمضاد اكتئاب عادي مع جلسات العلاج النفسي؟... يعني أفرقع الدكتورة مع أنها صاحبتي وأدور على دكتور تاني مايكونش من مواليد برج العذراء ويكتبلي دواء اكتئاب مع جلسات علاج نفسي؟؟... على فكرة البوسبار ماشي معايا زي الفل، أنا مش عارفة انتوا مصريين على (الزفت) دواء الصرع ده ليه ؟؟؟...
(طب ما تعترفوا أن الطب النفساني فاشل في اختراع علاج محترم بدون آثار جانبية بشعة ... عترفوا، مش هتخسروا حاجة)
وشكراً جزيلاً مقدماً
12/6/2023
رد المستشار
شكراً على استعمالك الموقع.
لا يستطيع الموقع التعليق علي التشخيص٬ وعلاج الثناقطبي هو من شقين:
١- أولا علاج النوبة الحادة بمضاد للذهان وعقار فالبرويت (مضاد للصرع) وليثيوم.
٢- الوقاية من النوبات المتكررة بملح الليثيوم ومضاد للصرع ومضاد للذهان.
القاعدة العامة لا يتم استعمال مضاد للاكتئاب بدون موازج للمزاج والأدق مضاد للذهان.
أما عقار بوسبار Buspar فهو لا يصلح للثناقطبي.
تحدثي مع من يعالجك حول خطة العلاج.
وفقك الله
تعليقات الأعضاء