من وسواس لاكتئاب لقلق معمم م44

من وسواس لاكتئاب لقلق معمم م43
 استفسار هام
 
 السلام عليكم ورحمة الله دكتوري العزيز دكتور وائل:
 أنا من سنة ونص جالي طنين وطبعا كشفت عند طبيب أنف وأذن وسمعيات وأموري تمام، وطبعا دكتور السمعيات عرفت منه أن فيه حاجة اسمها ترددات السمع! وقال لي حافظ على نفسك من الصوت العالي، من يومها وأنا محافظ أوي وبطريقة أوفر كمان أوي أوي
 
 ** من سنة ونصف كانوا طلبوا مني رنين مغناطيسي بالصبغة على الأذن الداخلية والفني دخلني الجهاز بدون قطنة أو دخلت بقطنة ووقعت جوه الجهاز.. المهم اللي متأكد منه لما خرجت بحط إيدي على وداني ملقتش قطنة خالص! قريت على النت إنه غلط أدخل الجهاز ده بدون قطنة أو سدادة فقلقت جدا وفضلت أسبوع القلق ماسكني رغم إن الموضوع مر عليه سنة ونص بس كل ما أفتكر الموقف ده أقلق جدا إني يكون حصل لي ضرر!!!! بالصدفة ناس صحابي قالوا احنا دخلنا عادي الجهاز بدون حاجة - حتى بنت عمي دكتورة أشعة أقسمت لي دخلته 3 مرات وعادي جدا.... اطمنت تماما وراح القلق مني تماما في النقطة دي ونسيتها
 
 لكن من شهر أو أقل قليلا كنت فاتح التلفزيون شاشته على قناة الجزيرة مباشر وأنا في العادة بسيب الشاشه شغالة وأنا نايم وأصحى وهي شغالة، لكن الفجر في يوم صحيت على صوت القنابل والتفجيرات على الشاشة الصوت كان عالي!!! قلقت جدا وقلت أكيد أثرت علي في حاجة ضرب النار وتفجيرات أكيد حصل لي حاجة من الصوت ده وأنا نايم، لكن في نفس اليوم تجاهلت القلق وقلت ده تلفزيون مش حقيقة يعني أمال هما يعملوا إيه!!!
 
 لكن من 4 أيام بالضبط جاءت الفكره تاني فقلت أنا هرفع صوت الشاشة على الآخر والريسفر هخليه أعلى صوت ... أشوف أقصى صوت لها إيه يعني؟ وأسجل فيديو! ... سجلت أربعة مقاطع أو خمسة فيديو لصوت الشاشة كلهم حوالي 5 دقائق... خلصت من هنا ومش عارف إيه اللي خلاني أقول إني حطيت وداني على سماعة الشاشة جت منين الفكرة دي مش عارف!!!! والفكرة حرفيا 24 ساعة مش راضية تروح وقلقان جدا لدرجة بقيت شاكك أنا عملت كده ولا!!! وأقول ده أنا كده ضيعت نفسي بعد ما كنت محافظ على نفسي أنا أكيد عملت كده الله يعوض علي!! وأهدي نفسي وأقول محصلشي ... لكن الفكرة برضه مسيطرة أوي إن ده حصل!!! الكارثة السودة مفيش كاميرا تطمني إن ده حصل ولا لا!!! تعبت أوي أقسم بالله أنا والفكرة في حرب ومبقتش قادر أتجاهلها! معرفشي بقيت شاكك أصلا أنا عملت كده فعلا ولا إيه؟؟؟؟؟
 
 أصل إنتم بتقولوا الوسواس القهري طالما شاكك يبقى حصل!!!!! هل أنا عملت كده فعلا؟؟ ولا ده وسواس قهري؟ طمنوني بالله عليكم مش قادر أرتاح تعبت تعبت تعبت أقسم بالله!!!!!!!! رأيك وخبرتك يا دكتور الأرجح أكون عملت كده ولا لا!!!! أنا يا دكتور 36 سنة المفروض أكون ارتحت من العذاب ده المفروض أعيش حياة طبيعية (بتقولوا بعد 30 و35 سنة ناس كتير خفت) هم خفوا علشان السبب عندهم مش كيميائي وظروف بيئية وأنا عندي خلل فعلا كيميائي!! ولا هم نفس حالتي؟ طيب لو نفس حالتي خفوا ازاي وأنا لا؟؟
 
 إنت كنت بتقول لي معندكشي وسواس قهري!! أمال اللي بيحصل حاليا ده إيه؟ إنت بتقول لي اللي عندك قلق معمم معندكشي وسواس قهري بشكل صريح!!!!!! ولا حالتي اتطورت ولا إيه بالضبط؟ حالتي بتطور ولا إيه يا دكتور أبوس رأسك أحيانا الحقيقة المرة بتزعل لكن بتريح!! الغريب يا دككتور بتقول إن حالتي ولا حاجة وناس أسوأ مني بمراحل خفوا!!!! أين المنطق يا ناس!!!! خفوا ليه وأنا لا عندي خلل معين ولا إيه قصتي!!!! أنا بتعذب والله إني أكون عملت كده ودمرت ترددات الأذن والشعيرات الداخلية في الأذن؟؟؟؟ هو يا دكتور لو جبنا اثنين فلسطينيين دخلناهم كشوفات إذن بعدما حصل لهم ضرب نار وقنابل صوت وتفجيرات الطب يعرف ده حصل له ضرر وده لا ولا مش يقدر يميز ويفرق بينهم؟ أصل دكتور قال لي الشعيرات الدقيقة لا تظهرها الفحص وفية ترددات لا تظهرها الفحوصات!!!!
 
 سألت دكتور آخر قال لي ده كلام فارغ مفيش الكلام ده وأي حاجة بتحصل بتبان في الكشوفات وطالما سليمة حتى لو إنت نايم جوه السماعة يبقى محصلشي ضرر!!!!!!!!!!!!
وشكرا لحضرتك
 26/11/2023