|
| 
|
إصابات الولادة والوسواس: المهم العلاج يا ناس! م15
فقدت الاهتمام بالجنس
السلام عليكم ورحمة الله، كنت أرسلت استشارة، ولكن لم يتم الرد عليَّ لا أعرف السبب، لكن المهم مشكلتي الحالية يا دكتور وائل مختلفة وملهاش علاقة بالوسواس فأنا هحكي الموضوع وآسف لو طولت
أنا كنت نويت تقريبا في أواخر السنة اللي فاتت (آخر ١٠ أيام من شهر ديسمبر تحديدا) إني أتوقف عن الاستمناء والإباحية، وبصراحة كان السبب الأكبر اللي مخليني عاوز أبطلهم غير الحرام هو إني كنت شايف أنهم بيزودوا القلق والوسواس فكنت بشوف أن لو قدرت أبطل الوسواس ممكن يخف من عليّ شوية على الأقل.. وبدأت فعلا وقدرت أوصل لأطول مدة من غير أفلام إباحية ولا عادة سرية وهي 20 يوم لأني للأسف يوم 15 يناير اللي فات الشهوة غلبتني ورجعت ثانيا الاستمناء على الإباحية، وكان نفسي دي تكون مجرد زلة لكن عملتها مرتين كمان بعدها خلال يومين يعني كأني رجعت زي ما كنت
المشكلة بقي هي إني كل مرة بعد ما بوقف العادة والإباحية يومين أو ثلاثة بالكثير الشهوة بترجع قوية جدا لكن المرة دي بقالي تقريبا ١٨ يوم ولحد دلوقتي ومفيش أي رغبة جنسية أو اهتمام بالجنس!! مع العلم إني شهوتي كانت عالية جدا أيام ما كنت بمارس العادة والإباحية كثير، وكان ساعات بيحصل أن محسش برغبة بس كان بيبقى يوم يومين بالكتير أول مرة المدة تطول كدا وخايف يكون عندي مشكلة في هرمون التستوستيرون، دا غير الوسواس اللي كل شوية تيجي فكرة إني فقدت ميولي وهفضل كدا طول حياتي!!
أنا أصلا كانت أكثر حاجة بتطمني لما يجيء لي الوسواس هي الشهوة، دلوقتي مش حاسس بيها إيه السبب؟!
وكل شوية أقول طب أرجع ثاني الإباحية والعادة علشان أرجع زي ما كنت على الأقل ولا أعمل إيه؟
المشكلة إني حتى مش عارف أعمل العادة لأن الانتصاب ضعيف مع العلم بيحصل عادي بس أول ما أصحى من النوم بس، بتابع الفترة ذي مع طبيب نفساني كتب لي ميتريماش 30 وحسيت بتحسن في البداية لكن لما لاقيت موضوع الرغبة طَوَّل الوسواس رجع ثاني
أنا كنت عارف إن الأدوية النفسية لها آثار على الرغبة الجنسية لكن أنا كنت باخد أدوية عادي من سنين وعمري ما فقدت رغبتي الجنسية المدة دي كلها يعني كنت باخدها وبيبقى عندي شهوة عادي اشمعنى المرة دي
هل ذا طبيعي وفترة وهترجع ولا لاء، كنت الأول بتخيل نفسي لما اتجوز وأحس بسعادة وشوق، دلوقتي مبقيتش أحس إني عاوز أتجوز، بل وبحس بقلق كمان!! ولما كنت أشوف أي بنت أحس بإثارة دلوقتي ولا أي حاجة.
هل ممكن الواحد يفقد ميوله لأن تجيء لي فكرة إن لو الموضوع ذا طول مش هعرف أنجذب للبنات ثاني
أنا مبقيتش عارف أعمل إيه؟؟
6/2/2024
رد المستشار
الابن المتابع الفاضل "Ahmed" أهلا وسهلا بك على مجانين وشكرا على ثقتك، ومتابعتك خدمة الاستشارات بالموقع.
بداية نحييك على قرار الإقلاع عن متابعة المواد الإباحية، لكننا يجب أن ننبهك إلى أن المطلوب وقفه هو المواد الإباحية، وارتباط الاستمناء (العادة السرية) بها ... يعني لا توقف العادة السرية وبدلا من ذلك درب نفسك على ممارستها دون مشاهدة الإباحية، وستفهم أكثر في ردنا هذا: إدمان مواقع الإباحية والعادة السرية أيهما نعالج؟ إضافة إلى ما ورد في متابعتنا معك م5، فالمطلوب تحقيقه أولا هو فض الارتباط الشرطي بين الإباحية المصورة والممارسة الجنسية، وليس الامتناع عن الممارسة الجنسية على الأقل مرحليا يا ولدي... معنى هذا هو أنك وقد أقلعت عن الإباحية ستتناسى الجنس حتى تفرض الرغبة الطبيعية نفسها عليك وعندها تصرف بصورة طبيعية كأنه لا توجد بين يديك مواد إباحية.
ظهر الرد على استشارتك المشار إليها بعد يومين من استلام الموقع رسالتك هذه، وها أنت ما زلت تدور في نفس الدائرة والأسئلة هي هي ... من الجيد أنك بدأت العلاج والمتابعة مع طبيب نفساني، لكنك ما زلت تحتاج إلى التدرب على التعامل الصحيح مع شتى وساوسك وقهورك.
وأما ما زاد مخاوفك في الفترة الأخيرة من نقص أو غياب للرغبة الجنسية، والذي تزامن مع إضافة طبيبك لـ15 مجم من ميرتازابين فمن الواضح أنه لا علاقة له بالعقاقير (خاصة وأن ميرتازابين يفيد في تصحيح الآثار الجنسية لأدوية الوسواس من معززات السيروتونين) ... السبب هو فرط التوتر والخوف والمراقبة للرغبة والقدرة والتوجه الجنسي وهي واحدة من حالاتك الوسواسية، أرجو ألا تتسرع بإجراء تحاليل أو فحص لدى طبيب ذكورة حتى تتعافى من الإباحية إن وجدت عند ذلك مشكلة وهو ما لن يحدث على الأغلب، ستجد كل شيء على ما يرام.
ومرة أخرى أهلا وسهلا بك دائما على موقع مجانين فتابعنا بالتطورات.
ويتبع >>>>>>>>: إصابات الولادة والوسواس: المهم العلاج يا ناس! م17
تعليقات الأعضاء