صديقي وحبيبتي.. وخيانة مسجلة!!

 مصر
 
 أنا من فترة طويلة عايش حرفيا لوحدي موجود في بيت أهلي ولكن على طول كان بيحصل مشاكل بين والدي ووالدتي وعمري ما احترمته بسبب أني اتضربت قدامه زمان في سن صغير ومدافعش عني.. ده سبب لي حالة من التوحد في البيت بأكل وبشرب لوحدي.. وبقيت مدمن أفلام إباحية وعادة سرية بشكل مفرط.. ومن حوالي 5 أو 6 سنين والدي ووالدتي انفصلوا وهو اتجوز وعاش حياته ووالدتي عاشت عند أختي.. وعشت أنا لوحدي فعلا في بيت العائلة..
 
 في فترة الجامعة كنت اتعرفت على واحدة مطلقة وحصل ما بيننا علاقات في التليفون وكنت بسجل المكالمات دي عشان بمارس عليها عادة سرية ورحت لها ولكن العلاقة كانت شبه كاملة ولكن بعد فترة حوالي سنتين أو تلاتة سبنا بعض بس أنا عمري ما نسيتها.. ولكن هي رجعت تاني تكلمني وأنا لوحدي من حوالي سنة ونص.. ودعيتها أنها تجيلي البيت وبالفعل جاءت لي البيت وبدأ يحصل ما بينا علاقة كاملة.. أنا كنت في العادي بشرب مخدرات بس على خفيف يعني آخري نص سيجارة في اليوم مثلا.. ولكن هي كانت بتشرب مخدر اسمه الآيس أو الشابو.. وشربته معاها ولكن خفت منه وبطلته بسرعة ولكن برضو إدماني لتسجيل العلاقة برضو كان موجود وهي كانت عارفة وميولها يمكن منحرفة أكتر مني بكتير.. من ضمن التخيلات الجنسية اللي كانت في تفكيرها وتفكيري إن احنا نجيب شخص تالت نمارس أنا وهو معاها الجنس.. في البداية الفكرة كانت مريبة بالنسبة لي ورفضتها ولكن حصل ده في وجود واحد صاحبي قال لي نفس الكلام وهو كان متعدد العلاقات والفكرة ابتدت تثيرني.. ولكن في النهاية الفكرة ابتدت تسيطر علي وخصوصا لما شربنا مخدر الآيس..

المهم عملنا ده ولكن مش بشكل كامل لأني كنت في حالة استثارة جنسية كبيرة جدا سببت لي مشكلة وقتها وهي سرعة القذف من شدة الإثارة وده مع تكرار الموضوع مرة واتنين وتلاتة وحسيت وقتها أني مش راجل وديوث وأني جايب صاحبي ينام مع حبيبتي.. ساعتها حبيت أوقف الموقف ولكن كانت مسجلة لي كلام من ضمن الخيالات الجنسية وابتدت تهددني به ولضعف شخصيتي خضعت ليها وماقدرتش أطرد صاحبي من البيت وفضل عايش معايا وأنا بحاول أعمل معاه مشاكل عشان يمشي ولكن هو مكنش راضي
 
 بالإضافة لأني كنت بكدب كتير جدا وبألف حوارات قديمة عنها اتكلموا الاتنين مع بعض واتعريت بشكل كبير قدامها وقدامه وبقيت مجبر على وجوده وكانت بتخليه ينام جمبها وأنا نايم جمبها.. وكانوا بيسهروا مع بعض وأنا بنام عشان بيبقى عندي شغل الصبح.. وكانوا دايما بيقنعوني أنهم جمبي وأني لازم أتعالج من الكدب والتحوير الكتير اللي أنا بعمله ولكن في يوم قررت أني أنزل برنامج تسجيل مخفي وبسيبه مفتوح وبنام ويوم سمعت في التسجيل أنها نايمة معاه وهي نايمة جمبي وهي عارفة إن نومي تقيل ومبصحاش بسهولة.. كنت بحبها جدا بس واجهتها وابتدت تهددني من تاني وهو كمان كدبني.. الكلام ده تقريبا بعد حوالي 3 شهور وهو عايش حرفيا معايا أنا وهي وابنها اللي فاكر إن هي مراتي.. وهي كل شوية تفكرني باللي أنا عملته إن أنا اللي جبته هنا ينام معاها وتحسسني بالذنب.. ولكن أنا مقدرتش أتحمل وفي لحظة ضعف اتصلت بوالدي وأنا بعيط وقلت له على كل حاجة أنا عملتها وعرفته أني ندمان على كل حاجة وعرفتها أني عرفته وإن كل حاجة خلصت.
 
 ولكنها حاولت بكل الطرق تطلعني مجنون قدام كل الناس وكداب وبيتهيألي حتى أنا شخصيا ابتديت أقتنع إن هما كانوا بيساعدوني بدليل إن التسجيل فيه الصوت مش واضح.. ولكن برضو أقول مش منطقي أنها تخلي صاحبي عايش معانا وكمان نايم جمبنا.. وحسيت أني بتكسر وبقيت ساكت طول الوقت لحد ما جه إخواتي مشوها من البيت واتخانقت أنا وصاحبي وخسرنا بعض.. ولكن بعد ده كله حاسس بخيبة أمل كبيرة في نفسي وحاسس نفسي مكسور.. وحاسس حتى كمان أني مش هقدر أرجع طبيعي تاني وبقيت أرجع للعادة السرية بشكل كبير وشره جدا جدا.. ولحد آخر لحظة كانت بتقولي إنها بتحبني وعمرها ما خانتني ولكن أنا حاسس إن دماغي معادتش مظبوطة وحاسس إن شخصيتي بقت مهزوزة بشكل كبيرة
 
 أعمل إيه؟؟
 آسف على الإطالة
 15/2/2024