|
| 
|
الاستمناء الشرجى دمر حياتى
في البداية أحب أشكركم على الموقع الجميل اللي هدفه أنه يطمن اللي زيي لما مايكونش في حاجة تطمن، أنا حياتي كانت طبيعية من ٦ شهور كنت شاب زي الفل والله من حيث الشكل والقوام اللي صحابي كانوا بيحسدوني عليهم قعدت فترة كبيرة من الشغل المهم أني كنت مقبل على الجيش وكان فيه مشاكل كتير مع أمي في البيت كانوا ضاغطين علي جامد فأنا كنت بتعصب وقبل تقديم الجيش بيومين سابولي البيت ومكنش فيه مصدر آخد منه فلوس ومكنش فيه أكل بردو وفضلت أحاول أتواصل معاهم معرفتش رحت البيت من غضبي انتقمت منهم واتضح اني انتقمت من نفسي قمت مدخل صباعي في الشرج أكني أنثى وفضلت أعمل كده حبة وخلصت رحت طالع مقطع ورق الجيش وبعد كده نار صدري هديت
عدت الأيام واتصالحنا وأنا عملت الورق تاني وقدمت في الجيش وخدت إعفاء الحمد لله بسبب مرض في الدم وبعد فترة اكتشفت أني فقدت رجولتي ابتديت أحس بروائح الرجال وأنفاسهم ولم أعد أشتهي النساء وبقيت بحس بجمال الرجالة أكتر من الستات غير ضعف الانتصاب الشديد والعضلات اتحولت لدهون بمعنى أصح بقيت طري زي مبيقولوا وأعصابي ضعفت وكل حاجة ضعفت وغير الكوابيس اللي كل يوم بتجيلي، أنا رحت ل ٦ دكاترة آخر واحد فيهم كان نفساني وهو طمني إن في حالات زيي واتعالجت كتير
أنا بس عايزكم تطمنوني هل كان في حد زيي واتعالج وبقى كويس علشان حاسس أني عايش في كابوس والله ده غير الكوابيس اللي كل يوم بتجيلي وهل هفضل كده طول عمري خلاص واكتفى ب ال٢٤ سنة اللى عشتهم كراجل وابتدي أشوف حياتي أني مثلي وأتعايش مع الموضوع
يا ريت تردوا علي أنا عارف إن فيه استشارات كتير من نفس النوع بس أنا معرفش مصير الناس دي إيه لغاية دلوقتي
ياريت تطمنوني وآسف على الإطالة.. ابنكم مقهور على نفسه
9/4/2024
رد المستشار
شكراً على مراسلتك الموقع.
هذا التغيير الحاد في الشخصية منذ ستة أشهر تفسيره واحد فقط وهو إصابتك باضطراب نفساني جسيم. هناك أولا إشارتك إلى وجود مرض في الدم بدون تفاصيل إضافية. السلوك الذي تتحدث عنه سلوك بدائي وبدلا من التوجه صوب الآخرين وتحديهم توجهت إلى ذاتك وبدأت بغرس أصابعك في الشرج تماما كما يغرس الأطفال أصابعهم في الأنف والفم. هذا التقهقر السلوكي سببه واحد فقط وهو إصابتك باضطراب نفساني ولا علاقة له بالقضايا الجنسية. لم تذكر ما هي الكوابيس وسبب عطلك عن العمل.
ما أنت بحاجة إليه هو استشارة طبيب نفساني واستلام العلاج والمتابعة بصورة منتظمة. لا يمكن استبعاد إصابتك باضطراب ذهاني جسيم وربما أنت بحاجة إلى عقار مضاد للذهان ومضاد للاكتئاب.
وفقك الله.
تعليقات الأعضاء