|
| 
|
حصار معرفي أو وسواس قهري أنا تعبت ! م13
ضلالات
أنا بكتب على طول هنا أن عندى وساوس، بس المشكلة دلوقتي فى والدي، جايله وساوس شديدة جدا، لسه بايع أرض لواحد، جايله ضلالات إن واحد ثاني كان عايز الأرض كاتب دلوقتي عقد مزور ولما الراجل الجديد هيجي يسجل الأرض في المحكمة مش هيعرف بسبب العقد المزور ومش بيرضى يخرج من البيت نهائيا، خايف من الشرطة، أصل لو خرج هيتمسك ومش بيرضى نهائيا يروح لدكاترة ولو راح لدكتور قبل ما يروح يقعد يقنعنا أن النهاردة خلاص هيتمسك وهيتحبس
دا كله بسبب أنه اتحبس يوم مرة بسبب إنه باني دور مخالف والموضوع خلص وعملنا تصالح، من ساعتها وهو مش بيخرج ومقتنع أن الحكومة مراقباه ومش بيمشى من عند أى كمين ويقعد يقولنا هيحصل مصيبة النهاردة وهتحبس ونقعد نقنعه أن كلامه غلط، مش بيقتنع نهائيا، مش راضي نهائيا يروح لدكتور، بابا بيجيله تشنجات بسبب سكتة دماغية مر بها، مش عايز حتى يروح لدكتور مخ وأعصاب مرعوب من الخروج، نايم 24 ساعة ومستسلم تماما
ساعدوني ياخد أدوية إيه عقبال بس ما يتحسن ونوديه لدكتور؟
أنا بنحجز عند الدكتور وبعدين ميروحش، بيقولي اديني فافرين يهديني، لأنه عارف أنى كنت باخد فافرين، وكنت بأخد Arripriprex
الدكتور النفسي بتاعي بيقولي اللي باباكي بيمر به ضلالات مش وساوس وممكن يضطر يدخل مستشفى هل فعلا ممكن حالته تتدهور؟؟
وهل ينفع يأخد prozac أو faverin
هو اللي ماشي عليه دلوقتي Tiritam هل فعلا ممكن دوا الصرع دا اللي دهور حالته وخلاه يجيله الأفكار دى، لأن ملاحظين أنها زايدة من ساعة ما أخده
23/5/2024
رد المستشار
شكراً على متابعتك.
إذا كان والدك مصابا بالصرع فيجب عليه مراجعة من وصف له عقار Tiritam أو الاسم العلمي Levetiracetam وإعلامه بحالة والدك النفسانية. لا يجوز وقف عقار الصرع بدون إشراف طبي. أما إذا كان هذا العقار موصوف لغير الصرع فلا استعمال له إلا في الصرع وكذلك يجب عدم وقف العقار دون إشراف طبي. أحد أعراض هذا العقار الجانبية هو الاكتئاب.
والدك بحاجة إلى مراجعة طبيب وهو بحاجة إلى مضاد اكتئاب وذهان يتم وصفها استنادا إلى حالته العقلية وصحته الجسدية والعمر وذلك يتم تحت إشراف طبيب على أرض الواقع ولا يستطيع الموقع التوصية بأي عقار.
وفقك الله
تعليقات الأعضاء