وسواس قهري وقلق واكتئاب

 وسواس قهري
 
 من عمري 15سنة كان تجيني وساوس من ناحية ترتيب الأشياء بنمط معين والمشي بطريقة معينة وتغسيل اليد أكثر من مرة ونظافة الجسم بطريقة مبالغة ووسواس لما أسوي عبادات بس كان بدرجة مش كبيرة جدا كان يأخذ شوي من وقتي ويجيني الأفكار بشكل مو متواصل بعدين بلش يزيد شوي شوي ولكن لما صار عمري19 ونص تقريبا فشلت بدراستي وصار مشاكل مع أهلي واتحجبت غصب عني وصاروا يعاملونني كأني حمل عليهم وحرموني من كل شيء وصابني صدمة وزادت الوساوس صار يأخذ أغلب يومي وتفكيري ولازم أحط الأشياء بنمط معين حتى لو مش مرتب المهم بنمط ولازم أغسل يدي أكتر من مرة بطريقة معينة وصرت دايما يجيني أفكار سلبية يعني لوخرجت من البيت ممكن أموت لو عملت شيء ممكن أموت
 
 وبنفس الوقت أجاني أفكار انتحار بس بخاف من انتحار وفي وسواس تغسيل الأيد ولبس والنوم والأكل وبحس على الرغم من الوسواس نظافتي الشخصية مش كتير يعني يا أنا بنظف حالي بشكل مبالغ وما بهتم نهائياً بحالي وبنشغل بالوساوس أحس فاقدة شغف مش قادرة أعمل أبسط الأمور إلا الأفكار الوسواسية وأكلي صار مش كويس جسمي بحس ألم ونحفت وبحس ألم في بطني وشعري تساقط أعراض كلها ظهرت لما صرت بعد 19 ولهلأ جديد طبقت 20 وكمان صرت ألجأ للعادة السرية ومشاهدة أفلام عشان أحس بالمتعة بس بعدين بطلت أحس منها إشي ما أدمنتها حتى قرفت منها وتركتها
 
 أهلي مش راضين يأخذوني لدكتور ولا أخذت دواء نفساني وبس أتمنى من الاستشارة يكتب لي أدوية لأن كرهت أنه الناس ينصحوني نصايح مش مفيدة زي تقربي لربك ما تحتاجي دكتور وما مالك إشي دلع بنات، وكمان حتى الوسواس دخل بعباداتي
 22/6/2024