وسواس الحسد وسواس الكفر و.ذ.ت.ق م1

وسواس الحسد وسواس الكفر و.ذ.ت.ق م
السلام عليكم

أعرف أنكم لا تحبون الواحد يضل يرسل لكم على فاضي بس أنا بصراحة مش قادرة والله العظيم، أحاول أنسى أحاول بس مش قادر الكلام الذي قلته قبلا عن الكفر والخوف من الذنب اختفى أنا بطلت أهتم إذا أنا كفرت ولا لا؛ ولا سبيت أحد. وبالواقع آه صرت أسب وأحكي لأي موقف يضايقني ولا يعجبني، لا يهمني. أنا بطلت أحس بمشاعر أنا خلص زهقت تعبت قد ما أحاول أوصف لكم يلي مريت فيه وقديش كان عندي رعب وقديش أنا هسا لا يهمني، لن أعرف أوصف، قررت أرجع أبعث لكم لأني أنا مش عارف مين بدي اسأل ومين يجاوبني.

اليوم سألت معلمة دين قالت لي عن موضوع الآية لا تعرف إذا إشارة ولا لا، وأن ما أحمل حالي فوق طاقتي، قالت أن الموت قدر، بس أنا حسيت بكلامها، فكرت لو عين جد هذا قدرهم أعرف أنه قدر بس مش القدر يكون له دخل بي أكون أنا قاتل؟ لا أريد أكون قاتل وبخصوص الآية أنا مش قادرة أنسى أنا والله مقتنع أنها إشارة أنا مش حاسس أنه ذهان زي ما حكيتم اليوم بسأل صاحباتي بقلهم عمرو جد صار هيك موقف معه واحدة.. قالت لي آه. مرة كنت أفكر إذا الذي قلته يعتبر قذف.

وثالث يوم سمعت آية عن القذف أنا مش فاهم يعني أنا هسا قاتل!! شو أعمل طيب ولماذا أنا قاتل؟! حكيت ما شاء الله على كل حسب ما بتذكر وبظن بحالي بس يمكن تأخرت. هل عيني كانت قوية لهذه الدرجة أنا مش فاهم ومن هو الذي قلت له؟! قلت لكم الموضوع قبل في ناس ما عجبني فيهم شيء أصلا بس شعور وواحد وظيفة وذكرت ربنا والتاني شعور وأعجبني أنه جاب سيرة الدين وما بعرف لو بعدين اجتني مشاعر كره أو حقد عليه أو أنه يعني دعطيه عين عشان صار يحكي كلام مش حلو بس وناسي إذا قلت عنه ما شاء الله بس أنا يلي عجبني فيه أنه تذكر الدين مش متأكد إذا اجتني عليه مشاعر يعني بتكون اجتني بشكل عام وذكرت ربنا بشكل عام بس أنه هو تحديدا ما ظنيت بس أنا حاسس مش عشان عجبني كلام يموت وكمان في واحدة تنشر يومياتها على الانترنت.

 يعني أعجبني بيتها كنت أقول ما شاء الله بس في فكرة سخيفة منعتني وهي إذا قلت ما شاء الله أنا ما أكون بحكيها عليها أنا أكون بقذفها المهم واظن اجتني المشاعر وتذكرت اذكر ربنا بعد وقت ما بعرف أنا ذكرت ربنا عليها هي وبناتها ولا عل بيت بس ذكرت ربنا هاد يلي تذكروا المهم انو ماتت هي وعيلتها بالزلزال الله يرحمهم والناس بتقول عين عشان العمارة نكبست عل طوابق يلي تحت والفوق سليمات يعني فش غير بيتها وبيت آخر شخص من نفس العمارة أذكر قلت ما شاء الله بس تأخرت وكنت ناسي عشو بالضبط.

المهم أنا قاتل هسا ولا شو وبدي اسألكم أنك كيف عرفتم أنه مش إشارة جد بحكي يعني أنا شو يلي بدو يريحني هسا أنا متوتر وخائف وجننت الناس وأنا أعيد وأزيد بنفس الموضوع لو سمحتوا احكوا كلام طويل يخفف عني والله تعبت والله أنا مش عارفة أعيش حتا التخصص يلي بدي ياه يلي هو القانون خايف ادخلوا شو أعمل أنتم بس جاوبوني باشي مقنع وراعوا الجانب الديني يعني شو يلي بدو يثبتلي أنه هذه مش إشارة.

وبدي أسألكم أنتم بشكل عام إجاباتكم تؤخذ بالجانب الديني يعني لاحظت إن آه في ناس تقولون لهم أنت غلطان وهيك.
فهل أنا يعني متأكدين من كلامكم وبالأخص من ناحية الآية لأنها جدا مرعبة لي هي والحلم وشكرا جدا.
8/9/2024