بعد قمعي لحالي وحبي الخيالي: الحبيبة الخائنة

صدمات نفسية
 
 أنا كنت مرتبط لمدة خمس سنين كانت علاقة يمكن وصفها بأنها خيال من كثر ما هي علاقة جميلة وفجأة ابتدأت تظهر المشاكل وبشكل مستمر وأشكال مختلفة وأنا طول الوقت أكتم أكتم يمكن قعدت كاتم جوايا لمدة سنتين وجاءت اللحظة المرعبة إنها خانتني ومن هنا جاءت لي صدمة
 
 وكنت أول ما عرفت إنها عملت كده كنت عايز أنتحر وبقيت عندي هستيريا عياط قادرة تقتلني وكنت بزود أكثر بحيث أموت فعليا وأنا كنت بحب أفكر بس بشكل طبيعي بس بقى عقل طول الوقت بيفكر بيفكر بشكل مجنون مبقتش عارف أركز في حاجة ولا عارف أعمل حاجة وكأن عقلي مسيطر على حياتي ومش قادر أتكلم وأحكي لحد ولا أصاحب ناس ولما أخرج أتخنق وأكون عايز أعيط في الشارع
 
 أنا بقى لي على الحال ذا سنتان وكأن المشاعر التي حصلت من سنتين من زعل كأني بشوفها دلوقتي ومبقتش قادر أخرج من الأوضة بحب الظلمة جدا مبحبش أنزل ولا أخرج ولا أسافر ولما بيحصل ده بكون جوايا مضايق لأن لما بنزل بزعل من أقل حاجة وبكتم جوايا وذا يؤذيني
 
 وبقت عندي مشكلة في التركيز بشكل مرعب ممكن يكون حد بيتكلم وصوته عالي بس أنا مش سامعه لأن صوت أفكاري أعلى من أي حاجة والذاكرة بقيت ضعيفة جدا لدرجة إن فيه مواقف تحصل أنسى لدرجة إنها كأنها محصلتش وأنا مقتنع تماما إني لو مكنتش علاقتي بربنا إلى حد ما كويسة لكنت هلكت
 
 وزادت المشكلة أكثر الفترة ذي بسبب وفاة والدي لأني عشت كل ثانية وشفته فيها وهو يُتوفى كان عنده كانسر وبيتعذب قدامي حرفيا رحمة الله عليه.
 
 أنا حياتي واقفة حرفيا مش عارف أعمل حاجة نهائي ولا عارف أركز ولما آخذ كورس بفضل أتحرك كتير مش بعرف أقعد عشر دقائق على بعض أسرح كتير وآكل كتير أحيانا والعكس أحيانا. مش بشرب سجاير ولا مخدرات.
 
 بالنسبة للإباحية للأسف نقدر نقول مدمن بس مش حبا فيها أنا أحتاج شعور الراحة التي تحصل بعدها بس.
 عندي مشكلة في النوم يجيء لي أرق ولا أنام بسهولة ممكن أقعد ثلث ساعات عقبال ما أنام
 10/12/2024