|
| 
|
مساء الخير
أحييكم على الموقع الجميل أنا بنت 22 سنة مشكلتي إن حبيت شخص وقعدنا مع بعض سنتين ونص مرتبطين، تقدم لي ووالدي أجل الموضوع عشان أنا لسه في الكلية وهو تضايق من رفض والدي وبدأت مشاكل كثير جدا بيننا أولهم إن مامته استكبرت موضوع إن والدي يرفض وكانت دائما بتحاول تبعده عني وأهله مكنوش بيحبوني عموما وهو بيسمعلهم وضعيف قدامهم وبيبان ده في تعامله معي دائما بعد كلامهم معه بس في نفس الوقت هو بيقول إنه بيحبني جدا ومش راضي يبعد عني مع إني طلبت ذا كثير..
الموضوع اتراكم ووصل لدرجة إنه بطل يكلمني لازم أنا أتكلم وبطل يسأل عليّ حتى بطل يقابلني أو يشوفني ورافض وبيتحجج بحجج كتير جدا لمدة 9 أو 10 شهور في نفس الوقت كنت بقول خلاص نبعد ويرفض ويقول لي لا أنا عايزك!!بياخد رأي مامته في حاجات كتير المفروض إنها بينا ووصل الموضوع إنه في آخر كلام بينا قال لي أنا أخدت رأي واحد صاحبي وقال لي أبعد وأنا لما حكيت لهم فهموني وتأكدت إنهم صح..
المهم في الآخر قال لي أنا زهقت قلت له خلاص أنا قلت لك كذا مرة أبعد قال لي لا بتوحشيني خلينا أصحاب.. عموما كل ده مش حاجة قصاد حاجة معينة مهمة وهي دي اللي أنا حابة أعرف الصح فيها لأني مش هقدر أحكي لأي أحد حوالي *عشان عارفة إنها كانت غلط من الأول*
كان بيبعت لي فلوس كذا مرة وفي آخر كلام بينا بردو قال لي إني كنت بستغله وبطلبهم منه ودة محصلش كل الفكرة إني لما كان بيبعت أول فترة بينا كنت برجعهم له ونفضل نبعتهم لبعض لحد ما بيتكلم ويقول لي آخر مرة وخديهم وده هدية مش عارفة إيه لحد ما وصلت بينا المرحلة إني خلاص إنت بعت أنا هاخدهم (تعودت للأسف وبقيت أحس الموضوع شيء عادي وده غلط مني ومنه) المهم الموضوع في الآخر انتهى بينا وهو كان قال لي في نصف الكلام إنه كان باعت حوالي 8 آلاف مثلا أنا حاليا بدأت أحوش مصروف الكلية ومصروفي عشان أرجع له فلوسه مع كذا خاتم كان جايبهولي (مش دهب خواتم اكسسوارات عادية وخاتم فضة) ومش عارفة أبعتهم مع مندوب ولا أروح بنفسي تحت بيته وأديهم لحارس العمارة يطلعهم ولا أبعت اونلاين الفلوس وأرمي الخواتم وخلاص
ولا أصلا فكرة إني أبعت الفلوس من الأول غلط؟
لأني مش قادرة أتحمل موضوع إن في حد ممكن يكون له عندي حاجة نهائي
07/03/2025
رد المستشار
صديقتي
تأجيل والدك لا يعتبر رفضا، وبالتالي فمن الواضح أن صديقك ووالدته وأهله يتصيدون لك الأخطاء.... من الواضح أنهم هم الرافضون وليس والدك.
على أي حال كان خطأ كبيرا أن تقبلي من صديقك أو حبيبك المال.
عظيم موقفك بادخارك من مصروفك لكي تعيدي له ماله وتصححي الخطأ.
الحل الأمثل هو أن تخبري أهلك بدينك لصديقك وربما ساعدوك في رده ولكن يجب أن تخبريهم حتى لا يستغل أي شخص وجود سر تخافين إفشاءه وحتى تنمي وتستعيدي ثقة أهلك فيك.
من ناحية هذا الشخص فلا أعتقد أنه رجل يصلح لك:
١. ابن أمه
٢. يتحجج بأهله لكي لا يلتزم بشيء معك
٣. لا يرتبط بك ولا يدعك تمضين قدما وإنما يتركك معلقة
٤. يناقش خصوصياتكما مع أهله وأصدقائه
لماذا تتسولين وجوده في حياتك؟ وبالله عليك لا تقولي حب أو عشرة.... الحب والعشرة لا يستدعيان التسول وإهدار الكرامة.
وفقك الله وإيانا لما فيه الخير والصواب
تعليقات الأعضاء