الشبراوي قال لمراته قومي ياولية هاتى حجرين
قالت ياخرابي يابو السيد دا إنت مبطل من سنتين
قال لها هارجع أشرب تاني علشان أعمل لى دماغين
طول مانا فايق هافضل أغلي لما ها فرقع م الجنبين
أنا مش لاقي أجيب معايشكم فرق كبير وهاجيبه منين
والفواتير عنت أحلم بيها تجرى ورايا سنه واتنين
إيشي كهربا ودا نور ودي ميَّة روخرة بقالها سعر متين
حتى الخـ... منضاف فـ فاتورة صرف صحي يا نور العين
وفـ كلّ مصيبة تلاقي ضريبة دمغة ومبيعات وعقاري وطين
ناقص ياخدوا على الرجالة اللي بتخلف ضريبتين
والله ساعتها راح أعمل حُرمة وأمشي أطرقع بلبانتين
هو في أكبر من كدة خيبه تحيا حكومة المصريين
وتعيش لنا ميت سنة ياريس إنت ومعاك الولدين
واقرأ أيضاً:
في بلدنا (4) / ليه ياولاد ال....ايه / ذكريات / همسة إلى مدخن / هل أنت مصاب بالفضول المرضي؟؟ / عيال صايعه..... بس عندها منطق!
تعليقات الأعضاء