كتير يا صاحبي حزنَّا
وغرقنا ف يأسنا
حاولنا الصبر صبرنا
واهو طوِّل صبرنا
والصبر صب مرارة
في مرارة بختــنا
والظلم ولع ناره
وكوانا بحلمنا
ها نلوم على اللي جابونا
ورمونا لغلبنا
ولا عليكي يا دنيا
ولا على نفسنا
**
اسمعني انا عايز أقولك
لربك سلم أمرك
وسيب القسمة تقسم
نصيبك راح يوصل لك
ها تقول الواقع مرّ
والعالم مليان شر
والدنيا صارت غابة
عايشين فيها الغلابة
على قوت الصبر المرّ
**
دنا محبط زيك واكتر
وليّه زمن بستنكر
وزهقت من الكلام
واهى دنيا والسلام
أيام وليالي بتجرى
خليها تفوت بسلام
ويلا نشوفها جميلة
تيجي نـنـزل فيها غرام
مش يمكن ترضى علينا
والفرحة تزور ليالينا
وتروق لينا الأيام
واقرأ أيضا:
سباعيات المجنون الفصيح بعد 30/ العشق الصعب/ خصام الحبايب/ الحب القاسي/ استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب
تعليقات الأعضاء