نغومة بنتي

نغومة بنتي ف يوم ما اتولدت
اتولدت شمس ف عمري وسطعت
طلعت شجرة فرح وطرحت

ليها كف صغير نونو
عيون لم عرفوا ف مرة يخونو

البنت تقوم حلوة من النوم
تفرح وتهيص وهات يا لعب
خفيفة الدم تحب المم

تقول لها هب تهب تشب
وتـنـزل نط تخش القلب

نغومة بنتي كل حياتي
هيه دموعي وابتساماتي
أحب ألعب واتشاقى معاها
وارجع بيها لذكرياتي

واحلم بكره ها تبقى كبيرة
وتحقق لي أماني كتيرة
حتى الحلم الصعب عليّه
بكره ها يبقى ملك إدَيَّه

واما عيونها بتضحك ليَّه
تنط الفرحة وتملى عنيَّه
يدق القلب على الحنيَّة
يرقص أيامي ولياليَّه

حتى خدودها الحلوة تبوسها
تسمي نقول ربنا يحرسها
نغومة بنتي نغومة بنتي

واقرأ أيضا:
 خصام الحبايب/ الحب القاسي/ استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس