رباعيات مجنون 2006
مالك يابلدى مكشرة....ومع النكد....متصورة
مع إن طول عمرك يابلدي....عروسة حلوة صغيرة
يكونش كتر النهب فيكي....خلاكي صفرا مأشفرة
والله طول ما< حزني> ف قلبك.........هاتفضلي متشنيرة....
وعجبي
بالرقص والطراطير......يا كل عام....نستقبلك........
وبنسمة الصعداء...نقول لك...غور...داهية ما ترجيعك...
أمتى ها تييجي يا عام سعيد.....نزعل يوم ما نودعك.....
يظهر ما عدش فيه سنين إلا وتقول لنا فين يوجعك........
قالوا الرياسة بالانتخاب......أنا قلت خير يا بلد........
قالوا المجالس للشباب......أنا قلت خير يا بلد..........
قالوا الحكومة القديمة بالقبقاب......أنا قلت خير يا بلد
وصحيت على الكدبة الكبيرة....يا خسارة لساكي يا مصر
ناقصك ولد................
ديموقراطية وحرية.....فين يا بن الناس.....؟؟؟؟؟
بع بع بعلو صوتك.....عند كفاية وحماس..........
الوضع ها يفضل زي ماهوة....مقفول ضبة وترباس........
عايز ديموقراطية.....عندنا في مجانين........
خش يا عباس.........
ويتبع:>>>>>>>>>>>>:: رباعيات مجنون 2006(2)
واقرأ أيضاً:
في بلدنا (4) / ليه ياولاد ال....ايه / ذكريات / همسة إلى مدخن / هل أنت مصاب بالفضول المرضي؟؟ / عيال صايعه..... بس عندها منطق! / حدث في يوم شم النسيم...../ يا عيني ع الدكاترة../ حتشبسوت... قفلوا عليك يا حلوه تابوت
تعليقات الأعضاء