سباعيات المجنون الفصيح (11)
(23)
(الحكم وراثي)
- من بعد ما خدت السافينيز(1)
بقى عندي عقل وتمييز....
وأما اتغير دستور الحكم
قلت أترشح وأبقى رئيس....
واعدل أوضاعنا اللي تغيظ!
رد الوسواس قال لي ما تعقل..
دا الحكم وراثي يا تلميذ!!!!!!
عجبي
(1) السافينيز: عقار مضاد للذهان (الجنون)
(24)
يما يا مصر
- يما يا مصر العربية1
نفسي تعامليني بحنية
يما هو أنا برضه مش ابنك؟
مش زي أخويا اللي ف حضنك؟
طب ليه دفا حضنك مش ليه؟
قسمتي التركة على أولادك....
ونسيتي حقوقي الشرعية!!!
عجبي
(1) يما: بتشديد الميم = يا أمي
ويتبع >>>>>>>>>>> : سباعيات المجنون الفصيح (13)
واقرأ أيضا:
استشارة مجانية في الوسواس القهري/ عودة سباعيات المجنون الفصيح(4)/ إلى مدمن!!!/ إلى مريض الهوس/ إلى مكتئب/ إلى مريض الفصام/ إلى مريض الوسواس
تعليقات الأعضاء