أنا مانفعكيش (وده مش اسمي)

أنا ما نفعكيش
 
 برايا ملاك وجوايا
 
 وكر لخفافيش
 
 مايغركيش
 
 شعري وغنايا
 
 دا صوتي مابعرفش أسمعه
 
 وضحكتي اللي فوق شفايفي
 
 سمّ في حشايا بطلعه
 
 علشان أعيش
 
 أنا مانفعكيش
 
 
 ***
 
 ما انفعشي إني أكون دوا
 
 وكلي جراح
 
 وأطير معاكي في الهوا
 
 من غير جناح
 
 وأخد بإيدك أوصلك
 
 ونتوه سوا
 
 وماتوصليش
 
 فأنا ما نفعكيش
 
 
 ***
 
 لابيت الشعر هيسعنا
 
 ويسترنا ويؤينا
 
 ولا الدواوين هتنفعنا
 
 ولونصقع تغطينا
 
 ولا الأبنودى لوجعنا
 
 هياخدنا يغدينا
 
 أدي الأيام هتجمعنا
 
 وترمينا
 
 في وسط الضلمة وحدينا
 
 نحارب جيش
 
 أنا؟؟
 
 أنا منفعكيش..
 
 واقرأ أيضا:
 تلات رسايل للعصابة