بحبك ............ولكن

وبحلم أعيط وأنا جوه ننك

وبحلم أشوفك وأنا جوه منك

وبحلم أحبك

أحبك وبس

ولما تقرب أخاف جوه مني

وأجري عليه يدفيني حسك

..لكنك

وآسفه لأني بقولك لكنك

مجتليش ف حلمي

ولا حلمت بيك

..وهو

دا لسه مجاش

لكني نقشت بملامحه خدود السما

وطرزت اسمه علي ورقه خضره

وخبيتها بين ضلفتين الكتاب

لحد ما ييجي

وانا برضه هصبر

دانا لسه بدري عليه

وبتهجي أول حروف الكتاب

كتاب المحبة

دا انا اللي يوم هحبه

هيخطف سكوتي

ويرمي بملامحه علي أرض بور

تنبت بنات

ضفاير شعورهم طويله ومالها حدود

وجوه قلوبهم قصيده كتبها

بترتيله منه

يردوا

يرتل .. يردوا

يردوا وانا اسمع

واسمع واسمع لحد م أدوب

ولحد ما ييجي

متزعلش مني

دا نا لسه ببدأ

وهو

دا لسه ما جاش

دا لسه ما جاش

 واقرأ أيضا:
 وجوهٌ شتي !! / عسى..يا عَسى! / سببٌ مَبْـحُـوح ! / عجبٌ / بكائيةٌ لا تعرفُ الضحك الجديد / موظف وألطف! / من يشهدُ للعاشق؟؟؟