يمكن مش وسواس قهري

 يمكن مش وسواس قهري
 
 وأنا صح سليم
 
 وشكوكي ممممممم صواب ....
 
 يمكن ......
 
 يااااااااه
 
 تعرف امتى تحس بقيمة الكلمة دهية
 
 لما تشك في نفسك
 
 يمكن 
 
 أصعب كلمة تقولها في ساعة الشك
 
 يمكن 
 
 بتفسر إحساس جوايا بأني مريض
 
 - تسمح تـفتحلي قزازة
 
 يااااااااااااااااه
 
 أصعب كـلمة كلمة
 
 يمكن...
 
 يمكن ...
 
 سبت البوتجاز والع
 
 أو مقفلتش باب الشقة 
 
 لا أنا قافلة
 
 ------
 
 تعـرف
 
 وأنا رايح  شغلي امبارح
 
 وأنا ماشي في طول السكـة
 
 بكلم نفسي وأقول
 
 أسـمع ياد
 
 قبل ما نوصل بص في جيبك
 
 يمكن.... 
 
 مفاتيـحك ضاعت
 فجأة أفتش 
 - لأ يعم
 بتشخـشـخ جوه الجيبة أهي
 أسمع ياد
 طلع مفاتيحـك بص كويـس
 يمكن...
  مش مفاتيح الشغل
 أيوة صـحيح بس أنا مـتأكد
 برده عشان ارتاح
 - لأ أهيا يعم
 
 يوووووووووووه عدى الوقت أوام
 وتأخرت
  مد الـخطوة شوية ياواد
 يووا ع الشك
 فيه أيه تاني يعم الحاج
 يمكن
  صاحب الشغل ماخدش في باله
 وخدت بداله (المفتاح)
 مفتاح تاني
 أو
 يمكن... 
 غير في نظام الشقة
 أو غير في كالون الباب
 يووووووووووووه
 مد بسرعة نشوف الدور
 يادي الليلة
 
 --------
 يمكن
  أصعب كلمة تحس بشكك مالي دماغك
 زي وابور الجاز الحامي
 زي القلب الفاضي تمام
 تسأل نفسك بس ترد ومش متأكد
 يمكن ...
 تسأل نفسك
 يمكن... 
 بعد شوية تشك في نفسك
 حتى تـشك انك موجـود
 يمكن ...!!!
 ليه ما أكونش في حلم وطول
 ياااااااااااااااااااه
 ربنا ياخد كلمة يمكن
 
 شعر : ابن عوف
 
 واقرأ أيضاً:
أيا من كنتِ لي قلبي / أجارتنا فالنائبات تنوب / لا تصمتي / هل غاثك الأحباب بعد هجيرة / مين هيطيب الجرح / ملاك طاهر / مجداف كعود كبريت / حق الصحبة / تخمين