وصلت الرسالة

 جيت انهارده عشان اكتب ..عشان اصرخ عشان...

أقول اللي جوايا..اصرخ علي كل شيء.

حتى علي نفسي.. واطلع كل اهه في قلبي من سنين..

وانتفض وأقول كمان لأ.. لأ لكل الناس ..قصدي لظلم الناس..

واه من ظلم ناس تخاف ولا تختشيش..

بس هيجي الوقت اللي أقول فيه لنفسي متخفيش...

واطلعي من وراء الشيش....

و تعالي نعيش.. وميهمكيش..

واسأل الناس.. ازاي يا ناس يا مخلوقين ؟يالي من أصل طين تعترضوا

علي قضاء الخالق العظيم؟!

وتحسبوا الناس علي قضاءه فيهم!

نسيتوا انتموا مين؟!.. وجيتوا منين؟!.. ولفين رحين؟!

طب افكركوا....

احنا هنروح مكانين..


الأوله:
تربه وهنترمي فيها كلنا.. على الأرض.. اللي جينا منها..


والتانيه:

ارض غبره.. من غير لا معلم ولا ضله

ولا حتى شجره..

والشمس فوقينا بشبرين..

ويمكن اقرب م الكحل للعين..

وهنفضل هناك وقفين وسنين مستنين..

أمر الخالق العظيم..

واااه من مصير المتكبرين! اللي افتكروا إنهم خالدين

أو انهم أحسن من الناس..

هيكونوا اصغر من النمل.. وهيدوس عليهم كل الناس..

ومش هينفع اليوم ده فلوس.. ولا جاه ولا سلطه ولا حتى نفوذ..

ويا ترى مين اللي هيفوز؟؟؟!

الملك؟ّ! الوزير؟! المدير؟! الغفير

ولا مين؟!

ويبدأ الحساب:

وبعد الحساب يا ترى نار ولا جنه؟؟؟؟؟؟؟!

كل واحد هيتحاسب علي قد عمله.

مش ابن مين ولا ابن منشي..

ولا معاهم فلوس ولا معهمشي..

فهمتوا ولا بكلم ناس متفهمشي..

ده لو خيروا الجنين هيقول ما هنزلشي..

ما هنزلشي لدنيا كلها كدب وخداع ونفاق..

والله ماهنزلشي..


فلو حد عايز يحاسبني؟! حاسبوني عن عملي عن نفسي.... عن أي حاجه بأديا..

مش المكتوب عليا..

أصل المكتوب مفيش منه هروب ولا يتغيرشي..

وصلت الرسالة ولا ما وصلتشي؟ يا ناس بتجرح ولا ترحمشي...

واقرأ أيضاً:
مسابقة شعراء المجانين