فين الأمل؟
شايف الأمل؟
سامع الأمل؟
عمال بيصرخ في السكات
مستني إيه؟
مستني ليه؟
لحد م الشعر الأبيض في الدماغ
شب وسرح..
وشجر الحزن اللي ف قلبك طرح
طب والعمل؟
فين الأمل؟
فتح عينيك..
واسمع بقلبك..
تلقي الأمل بيلف جنبك..
روح ناديه..
واترجي فيه يستني جنبك..
قبل الجراح متملأ قلبك..
هو الأمل بيداوي الجراح؟
دا أنا جرحي عمره سنين طويلة
ولا اندمل؟
مين اللي قال لك تسكت.. تنام..
وتقول سلام...
فين الأمل؟؟
حتي السلام من غير أمل مش محتمل..
وحتي الأمل من غير عمل يبقي ملل..
طب والعمل؟
مع العمل الجرح مسيره هيتنسي
هيختفي.. أو يندمل..
شفت الأمل ويا العمل!!
تبقى الحياة أجمل كتير م المحتمل..
واقرأ أيضاً:
تعليقات الأعضاء