(5)
كبدي عليك يابني طول مرحلة ثانوي
بين الدروس والكتب راح الشباب بدري
ونجحت بتفوق ومجموع شرح صدري
ودخلت أعلى كلية لجلن ما تبقى طبيب بشري
ونهار ما اتخرجت بكت عيني ورقص قلبي
جيت لي حزين مكسور حدفوني يامه على قبلي
ليه ياضنايا كده؟؟؟؟ دا إنت تقديرك سبب فخري
قال يامه أبوياااا راجل بسيط مش أستاذ على كرسي
(6)
زأزأ ياعصفور مع النور ف الصباح
واضرب جناحك واتوكل على الفتاح
من غير وظيفة ولا عيادة ولا دياولوه
واخد بأسباب رزقك بفردتك للجناح
لا بتخطط رصيدى كااام النهارده
ولا يهمك السوق ماشي ولا مرتااااح
بفطرتك واثق من تمام رزقك
والله دا إنت اللي عاقل وإحنا اللي مخنا...رااااااااح
ويتبع:>>>>>>>>>>>>:: رباعيات مجنون بس مش عبيط
واقرأ أيضاً:
في بلدنا (4) / ليه ياولاد ال....ايه / ذكريات / همسة إلى مدخن / هل أنت مصاب بالفضول المرضي؟؟ / عيال صايعه..... بس عندها منطق! / حدث في يوم شم النسيم...../ يا عيني ع الدكاترة../ حتشبسوت... قفلوا عليك يا حلوه تابوت/ بسم الله.... حلال الله أكبر....
تعليقات الأعضاء