أعمل إيه وأنا في الدنيا وحداني
الدنيا فاضية على يميني وعلى شمالي
كأني ماشي في طريق خالي
ولا حد بصراخي داري
مانا في الدنيا وحداني
العمر عدى وكأنه ثواني
ومعرفش إيه اللي استفدته من زماني
اللي ياما وياما ورَّاني
وكفاية إنه خلاني في الدنيا وحداني
الماضي عدى وأنا لسه في مكاني
والمستقبل مش مضمون في الأيادي
والحاضر أهو بيمر قدامي
وأنا لسه وحداني
دموعي خلصت من كتر أحزاني
وضحكتي ماتت من كتر آلامي
والحزن خلاص ملى وجداني
اكمِنِّي في الدنيا وحداني
قلبي عمره مادق ثواني
ودايما بيصرخ ويعاني
إمتى هلاقي نصي التاني
اللي يشاركني أفراحي وأحزاني
هو أنا هفضل طول عمري وحداني
واقرأ أيضا:
أبدًا مش هرجعلك / الفيديو كليب / كان يا مكان / صحبتي / أنا والسما / صيــــاد
تعليقات الأعضاء