قطرة ندى..
تنزل على جبين الصباح
وتبـلـِّـلـُـــــه..
من حزن ليله تغسله
الخير يزيد والشر مش حيقلله..
قطرة ندى ..
***
تاهت خطاوينا في آخر سكة الليل الطويل
ورجعنا نمشى دربنا من أوله
الضلمه بتخلي الطريق صعب وعنيد
والنور هاييجى يسهله
وده كله مع قطرة ندى..
تنزل على جبين الصباح
وتبللــــــــه..
قطرة ندى..
***
الناس أمانيها تدوب في الليل
والدمعة تنزل م العيون
والنوم يخاصمها الجفون
والسهرانين يتأملوا
واما النهار يفتح لكل الأمنيات الباب
الليل لا يمكن يقفله
وده كله مع قطرة ندى
تنزل على جبين الصباح
وتبللــــــــه..
قطرة ندى..!!!
واقرأ أيضاً:
رِسالة ٌ فـي فـنـُون ِ الـضـّـرْبِ...! / عَـلــــى الـمَـكـْـشـُــــوفِ / المرسم المهجور / وجـبـة...!!!
تعليقات الأعضاء