ماقدرش أقول يابن آدم غير أن الطبع فيك غالب
بتكون سعادتك ع الشط قدامك وبرضه بتشترى قارب
وتفضل تجدف ف البحر يامسكين لم ان ينفطر قلبك
وف آخر المشوار من خيبتك....تقول أصل النصيب غالب
يا نجم يا عالي ف السما مين قدك.....؟؟؟
شايف الخلايق كلها من عندك.........
يا هل ترى تقدر تقول لأبن آدم..........
مين اللى بيكرهك ومين بيحبك...........
من تانى جيت ياربيع بالعطر........ ويا أزهارك
ونسمه المغربيه الحلوه تطفى الحر... ف.. نهارك
نفسى يابلدى ف شوارعك أشم الفل من تانى.........
أحسن هباب العوادم...سوود حتى أنهارك.......
واقرأ أيضاً:
في بلدنا (4) / ليه ياولاد ال....ايه / ذكريات / همسة إلى مدخن / هل أنت مصاب بالفضول المرضي؟؟ / عيال صايعه..... بس عندها منطق!
تعليقات الأعضاء