اعذريني

اعذريني

كنت أول مره أحب

كنت قلب

لسـَّه أخضر لسـَّه ما يعرفش كدب

اعذريني

لما سلمتك ف أول معركة وما قدرت أهب

كنت خايف

وأنا أعزل.. أجرحك وما ليكِ ذنب

اعذريني

إني خفت عليكِ من مشواري الطويل الصعب

كنت حاسس

إن الدنيا والناس ضدنا وما لينا درب

اعذريني

كنا لسـَّه صغيرين عودنا أخضر لسـَّه رطب

كنت فاكر

لما هاقتل حلمنا هارد عنك أي كرب

اعذريني

كنت غلطان.. أصلي كنت أول مره أحب!!

واقرأ أيضاً:
بيقـولـوا ..: عملوا لنا كـويز!! / حدوتة راجل مفروووس جدًّااا / فين المصري؟؟؟ / منتهى العقل / الموظفون في الأرض! / المجانين في نعيم!