اكسب نفسك في رمضان

اصحى يا نايم صحي النوم داحنا بقينا في شهر الصوم
 اصحى يا نايم وارم لحافك
 رمضان جاي يعتق اكتافك
 حمل ذنوب لحداشر شهر
 راح يتشالو من اصل صحافك

 اصحى يا نايم صحي النوم داحنا بقينا في شهر الصوم
 شمر يلٌلا و ظبط نفَسك
 ده الجنة مفتوحة تعاكسك
 بتقول يلٌلا تعالى ادخلني
 بس الاول..اغلب نفسك

 اصحى يا نايم صحي النوم داحنا بقينا في شهر الصوم
 والنار قافلة طول الشهر
 بتقوللك روح هات المهر
 مهر حبايبك جوه الجنة
 مش مستنيني آخر الشهر

 اصحى يا نايم صحي النوم داحنا بقينا في شهر الصوم
 والخيرات بتنادي يا فارس
 خليك كده واد صاحي ودايس
 ده ف رمضان الأجر مضاعف
 لو كنت انت جوارحك حارس

 اصحى يا نايم صحي النوم داحنا بقينا في شهر الصوم
 اصح و روق كده واتوضه
 ادي ضربة لابليس قاضية
 ضيعله مجهوده السنوي
 خللي ميزانيته تطلع فاضية

 اصحى يا نايم صحي النوم داحنا بقينا في شهر الصوم
 اصح وركز جوه صلاتك
 اخشع فيها ده هي حياتك
 لو على طول راح تفضل سارح
 يبقىثوابك برضك فاتك

 اصحى يا نايم صحي النوم داحنا بقينا في شهر الصوم
 صلي الفرض و صلي السنة
 اتعب نفسك لاجل الجنة
 سنة بفرض... فرض بسبعين
 برضك ربك صاحب منة

 اصحى يا نايم صحي النوم داحنا بقينا في شهر الصوم
 اوعى صلاة الصبح تفوتك
 وقتها فيه توزيع قوتك
 تهمل فرضه وتاكل رزقه
 كيف راح تبقى لحظة موتك

 اصحى يا نايم صحي النوم داحنا بقينا في شهر الصوم
 فرض صيامنا ده فرض جميل
 تعلى الروح كده فيه وتميل
 فرض ثوابه يعرفه ربك
 مش مذكور في آي التنزيل

 اصحى يا نايم صحي النوم داحنا بقينا في شهر الصوم
 والقرآن ده رفيق اليوم
 رتل واحفظ كده بالكوم
 ايه افضل من كلمات ربك
 تفضل وياك حتى النوم

 اصحى يا نايم صحي النوم داحنا بقينا في شهر الصوم
 وقيام الليل شرفك حاسب
 اوعىتنام و تقول مش كاسب
 فرض علينا في صدر الدعوة
 اللي يسيبه يصبح راسب

 اصحى يا نايم صحي النوم داحنا بقينا في شهر الصوم
 ولسانك ربطله لجامه
 سد عليه السكة امامه
 غير الذكر والاستغفار
 متخليش مسلك قدامه

 اصحى يا نايم صحي النوم داحنا بقينا في شهر الصوم
 اوعاك تخرج من رمضان
 من غير ماتنال الغفران
 كدة هتصيبك دعوة سيدنا
 بالخيبة وزيادة الخسران

 اصحى يا نايم صحي النوم داحنا بقينا في شهر الصوم
 فــى ســـلام اللــــه
 فــــى ســـــــلام اللـــــــــه
 فــــى أمـــــــان اللــــــــــه
 فــــى رحــــاب اللــــــــــه
 زوروا بيـــــت اللـــــــــــه
 تسعـــــد وا بحمـــــــــــــاه
 فـــى طــــوا ف وصــــلاه
 لبيـــــك يــــا أ اللــــــــــــه
 فــــانعمــــوا بـــرضــــــاه
 عيشــــوا فــــى نجـــــــواه
 اعـــــــــــلنوا تقـــــــــــواه
 اشكـــــروا عطـــــا يــــا ه
 واحمـــــــد وا عقبــــــــا ه
 
 واقرأ أيضا:
   الجيش العربي أهوه