نسي الفوطة

ناس واقفة بتتريأ ومبسوطة      .......    وناس تانية بتستغرب ومنقوطة!
 
 ليه الدكتور نسي الفوطة
 
 وهو يا عيني كان واقف      ....... .......      ووشه أحمر ولا القوطة
 
 وقال يا جــماعة سامحوني    ....... .......    وقبل ما تيـــــجوا تلوموني
 
 تعالــــوا أحكيلكوا أنا حكايتي  ....... .......       وبعديها إبقوا حــــاكموني
 
 سنــــين فـاتت في ثانــــوية      ....... .......       كفاح دامي وعــرق ودموع
 
 وبعد المعركـــــة الحــــامية    ....... .......         قدرت انجح واجيب مجموع
 
 أخيرًا حلمنــــــــــا اتحقق         ....... .......          هخش الطـــــب وادكــــتر
 
 رســـــالة جميلة ومعــاها        ....... .......            مقام عالي وفلوس أكـتر
 
 وجاتلي بطاقة الترشيـــح       ....... .......           فيها الطب اللي بحـلم بيه
 
 بتاع البوسته جابهــــالي        ....... .......          وخدله حلاوة عشــرة جنيه
 
 في أول يوم لــبست جديد     ....... .......           وشلت البالطو رحـت لاقيت
 
 زمايلي اتحـشروا في مدرج    ....... .......               عامل ولا عــــلبة الكبريت
 
 ولكــن برضه مايئستش
 
 
 دخل دكتور قعد يشــــــــــرح     ....... .......             كلام كــــان صعب ولاتيني
 
 وانا متنـــح ومـــش فــــــاهم    ....... .......            لاقيت النــــــــوم غلب عيني
 
 ولكــن برضه مايئستش
 
 
 وقلت مادام ضــــاع النظري    ....... .......     هظبّــــــــط نفسي في العملي
 
 جريت عـالمشـــرحه بسرعة     ....... .......        لكن كالـــــــــعاده خاب أملي
 
 دخلـــــت لاقـــيت 200 واحد    ....... .......             بيتخــــــــانقم على الجـثـة
 
 وناس واقــفة من الزحمة  ....... .......         على كتافـي ومـــش حاسة
 
 ولكــن برضه مايئستش
 
 
 وطبــــعًا حسّوا بظــــروفنا   .......  .......       وحطّولنا امتــــــحان فوازيــر
 
 وكل أما آجي أحــل ســؤال  ....... .......          أقف أدامــــــه زي الــــــزير
 
 ولكــن برضه مايئستش
 
 وجينا في لجنة الشـــــــــفوي   ....... .......       وكان أدّامي واد كــــوسه
 
 خد الـ full mark مـ الدكتور      ....... .......        وخد فوقهـم كــمان بوسه
 
 ولكــن برضه مايئستش
 
 
 دخلت أنا قام مكـــشرلي       ....... .......          كإن أنــا مش human race
 
 سألني سؤال ماردّيتشي      ....... .......          وقاللي أخرج يا hopless case
 
 ولكــن برضه ما يئستش
 
 
 سنه بتمشــي وســــنه بتيجي      ....... .......         مقـالـــب بعـــدها مقــــــالب
 
 زمايلي إتعينوا وقبـــــــضوا          ....... .......         وأنا شايـــــل لـــــــقب طالب
 
 ولكــن برضه مايئستش
 
 
 كبـــرنا شـــويه وقــــالولنا         ....... .......     خلاص دلوقتي شوفوا حالات
 
 ورحنــا نشوف وكالعاده           ....... .......         دا كله بيطلع إشتــــــــــغالات
 
 ولكــن برضه مايئستش
 
 
 بشوف الشاب من ســني      ....... .......       واقـــــــف ويّا الصحاب مرتاح
 
 ولــو عديـــــت أنا يقولــوا      ....... .......              راح الدحّـــاح، جه الدحّاح
 
 ولكــن برضه مايئستش
 
 
 لحد ماخلصم السبـــــعة       ....... .......      وقلت خلاص هروق وهعيش
 
 وقبل ما أفوق من الصــدمه ....... .......         خدوني عشان أخـش الجيش
 
 ولكــن برضه مايئستش
 
 
 وقعت هناك في إيــد ظابط ....... .......      ظغرلي وقال يا بســكوته
 
 أحب أبـــــشرك إنـــــك          ....... .......        معــــايا هتطـــــــفح الكوته
 
 ولكــن برضه مايئستش
 
 
 خلاص السبعة بقوا عشرة       ....... .......    ولسه أنا ماشي جنــب الحيط
 
 وبان السن علـــــى وشي         ....... .......           وشعري إبيـّض وإصلعيت
 
 ولكــن برضه مايئستش
 
 
 وبعد ما قــلت كـــــفاره             ....... .......      خلاص هرتاحلى بقى كام يوم
 
 لاقيتهم تـــانــي واخدنّي        ....... .......    عشان تكليـــــــفي في السلوم
 
 ولكــن برضه مايئستش
 
 
 وقلت هنــاك هآخد قرشين  ....... .......        آكل منهم وأجيــــــب لبسي
 
 فوجئــت يا عيني بمرتب     ....... .......     يادوب مايقضــــنيش شيبسي
 
 ولكــن برضه مايئستش
 
 
 وبعد الـعمر دا كـــــله       ....... .......        رمــــــوني في وحـــده صحية
 
 نسيت الطب أنا فيـــــها    ....... .......            وبقــــــيت زي التمــــــرجيه
 
 ولكــن برضه مايئستش
 
 
 وآديني بعيش وهعمل إيـه؟؟ ....... .......            ماليــش ولا قوة ولا حولا
 
 وحيد غلبان وحتى مافـــيش ....... .......         جـــــواز علـــى نفــــقة الدوله
 
 ولكــن برضه مايئستش
 
 
 قام الدكتور صعب عـ الناس     ....... .......        وفــــضلم يـــبكوا على حاله
 
 وحتى الفوطة نســـــيوها        ....... .......     ولموا فلــــــــــوس وسابوهاله
 
 وقال دكتورنا عـ الفوطه          ....... .......          تعــالوا هشــيلها أنا بكرة
 
 لكن أهل المريض قالوا       ....... خلاص .......              سيبهــالـنـا للذكرى
 
  واقرأ أيضاً:
 النفس...والطب!! / لُعْـبَةُ الزَّوجينِ ! /عسى..يا عَسى! / تعالي..تعالي! / تقوى ! / كوفاد / من قصيدة لبغداد