يا عم ابتسم
ده حتى الابتسام سنة
ومرهم للألم
وكحل لعيونا
أنا عارف إن الحزن فرض
وفرض عين
ما أنا قدامك أهو حزين
لكنى بخطف الابتسامة
من ورا ضهر الهموم
وغصب عن عين السنين
وعمري ما سبت نفسي للنكد
أصله بيعمل عاهة مستديمة ف الجبين
يا عم فك التكشيرة
وارسم فوق شفايفك ابتسامة
انشالله تكون حتى عيرة
مش ممكن ف يوم تقلب بجد؟
حد عارف؟
ليه عامل بينك وبين الحلم سد؟
طب حتى عبرني ورد
يا عم فرفش كدة
كفياك كئآبة واكتئاب
يا سيدي ابتسم في وشي
ينوبك ثواب
واقرأ أيضا :
عِندَ السقوطْ !/ رسائلُ إلى ريم/ وجوهٌ شتي !!/ حَــيْـضٌ !/ بِـلالُ العِشقِ !/ مَعْـشوقَةُ الأحزانِ !!/ أعظَـمُ منْ حبٍّ !/ الرأسُ القُطْنِـيَّهْ !/ عفوا يا سيدتي!/ مبايعة/ ثـورَةُ العشرين !!
تعليقات الأعضاء