ماهيش فارقة

   ماتستهونش بالأيام

ولا خط الحياة الجاري على كفين

نهار سابح ف شريانك

في كون تاني ورا آخر جدار مرشوق

ف سكة عمرك المخنوق

بيعزف بره ألحانك

بتسرق ضحكتك سرقة

وتفلتها تطير ف العالي ماتشوفهاش

ولا يلحقها سجانك

سحابه صيف تحلي مرار سكوتك

ف انتظار اللي

لحد الوقتي لسه مجاش

ومعلشي

يجوز تايه ف عنوانك

عشان متداري ف الزحمة

مصيره لما يهدا السير يعدي ع الهوي ويقطف بايده فدانين م الشوق

((ويجوز لأه))

على كل

ماتستعجلش يابكرة

انا جاي بخطى سابقه

بطوعي.. غصب... ماتدقش

مادام مكتوب..

ماهيش فارقة
 

واقرأ أيضاً: 
قل:..كما..،،/ نظام جديد للكبح! / أدبٌ لم يكنْ لهُ...؟ / مشروع قتل!/ الآخِرْ / ثَمَـنٌ!! / مرافعةٌ أولى: / يا التي منك... / أي ماءٍ؟؟؟/ حاؤه ..وباؤهُ .... / وَهَنيئًـا ! وَمَـريئــًا...