|
| 
|
استشارة يا دكتور وائل الله يكرمك
أنا شاب أبلغ من العمر 33 سنة، من وأنا صغير وأنا عندي وساوس عد أرقام معينة في دماغي ولمس الأشياء بأعداد معينة وطقوس خاصة وكلمات خاصة أرددها في دماغي وطلوع ونزول درج السلم بعدد معين.
الحاجات ذي لسه في حاجات منها مستمر معي لحد دلوقتي وفيه منها اللي راح وفيه اللي بيروح ويرجع ..... المشكلة الأكبر أن الوساوس ذي خلتني فترة طويلة في حالة انطوائية في فترة المراهقة
وجاءت لي كمان في موضوع المشي في الشارع وذي كانت أكبر مشكلة وأنا ماشي في الشارع أحس أن الناس كلها باصة على مشيتي بتشوفني ماشي إزاي بقيت بمشي بجدية أوي ومتوتر وأنا ماشي وحاجة كأني ماشي ملط في الشارع.
زرت دكتور نفسي من 3 سنين وصف لي أدوية ولسه بغير فيها لحد دلوقتي الأدوية بالترتيب
استيكان 20 وصلت لحبتين في اليوم مشيت عليه 6 شهور
لوسترال 50 وصلت لـ 3 حبات في اليوم ست شهور
مودابكس 3 حبات في اليوم 6 شهور
أنافرانيل ثلاث أسابيع ووقفته بسبب أنه كان بيعمل لي تعرق شديد جدا
فافرين بقيت آخد جرعة 200 كل يوم من أربع شهور
كل ده ومفيش فايدة يا دكتور
أعمل إيه ؟
27/9/2020
رد المستشار
الأخ الفاضل "أحمد محمد" أهلا وسهلا بك على مجانين وشكرا على ثقتك، واختيارك خدمة الاستشارات بالموقع.
بدأت معك الحالة منذ الصغر في صوررة من صور و.ل.ت.ق وهي العد واللمس والتكرار للشعور بالصحة والاكتمال..... وتخميني أن كل ذلك لم يعالج في وقته وسارت حالتك المسار الطبيعي للاضطراب والذي تصفه عبارتك (الحاجات ذي لسه في حاجات منها مستمر معي لحد دلوقتي وفيه منها اللي راح وفيه اللي بيروح ويرجع).
مررت بعد ذلك بوسواس المشي الذي يحمل في طياته شيئا من القلق الاجتماعي.... ويصنف ضمن الوساوس الحسية الجسدية، ويحتاج في علاجه إلى استخدام تقنيات علاجية خاصة.
ما يجب عليك عمله هو أن تبحث عن معالج سلوكي معرفي محترف في علاج حالات الوسواس القهري المزمنة ولا حاجة لتغيير عقارك الحالي.
ومرة أخرى أهلا وسهلا بك دائما على موقع مجانين فتابعنا بالتطورات.
تعليقات الأعضاء