|
| 
|
عدم التكيف في مكان سكني والسبب بابا
أنا 19سنة طول حياتي مش عارفة أتكيف مع المكان اللى عايشة فيه ومش عارفة أتعامل مع الناس هنا (أنا ساكنة في منطقة شعبية زحمة أنا من طبقة متوسطة) ولا عرفت أكون أصحاب لحد دلوقتي ولا عرفت أتعامل مع الناس وكل ما أمشي في الشارع ببقى منزعجة جدا.
حاسة إن بابا هو السبب فى كل ده عشان كده ما بحبه وكمان لأنه مفيش جانب معنوي بيقدمه لنا حتى مفيش كلام مابينا (أحيانا ما أحب أمي لأنها تزوجت من بابا وقعدتنا في المنطقة دي) وكمان كان تعليمي في مدارس حكومي وتعليم رديء بس الحمد لله دخلت الكلية اللي كنت بتمناها (الألسن) لأني بحب النجاح وهو شايفاه أب فاشل وبيئة سوقية ولحد الآن أعاني من ده وبابا حاليا جانبه المادى لا يسمح إن احنا ننتقل لمنطقة راقية وبعد ما دخلت الكلية كونت أصحاب وعرفت أن العيب كان في المكان والناس هناك سكنهم في مناطق أرقى وأفضل أحيانا أشعر بالنقص وأني قليلة
إزاي أحاول أتكيف مع المكان؟
أو أتقبل طبقة بابا اللي معيشنا فيها وأتجاهل إني ناقصني شيء؟!!
4/5/2022
رد المستشار
صديقتي
إن كان ينقصك شيء فعليك أن تحصلي عليه أنت بدلا من لوم الآخرين... أبوك بكل عيوبه ونواقصه كان سببا من أسباب دخولك الكلية التي كنت تتمنينها.
لماذا تعتقدين أن المنطقة الشعبية شيء سيء في المطلق؟ لا شك أن هناك الكثير من المنغصات في المنطقة الشعبية مثل الضوضاء أو صغر عقول الشباب أو التدخلات والمراقبة، لكن دعيني أؤكد لك أن نفس الشيء يحدث في أرقى المناطق وأغنى الأحياء ولكن بطرق مختلفة وإن كانت ليست ببعيدة كل البعد عن طريق الأحياء الشعبية.
انجحي أنتي وحققي لنفسك ما تريدين... أنتي لستي بقليلة بسبب مكان سكنك وإنما بسبب فكرتك عن نفسك.
من ناحية أخرى، التقبل لا يساوي الموافقة ... التقبل يجعلك تعيشين بدون منغصات أو تتعايشين مع الوضع الحالي المؤقت إلى أن يمكنك تغييره.
وفقك الله وإيانا لما فيه الخير والصواب
واقرئي أيضًا:
على باب الله: غاوي شعب!!
تعليقات الأعضاء