|
| 
|
مشكلة ما تمت! قلت انتحار فطار!! م7
محاولة
يمكن حضرتك زي ما قلت أنا ١٦ المفروض مسؤولة بس أحيانا الظروف بتجبرنا بتضغطنا يمكن جايز أنا شخص معقد كل دقيقتين بحالة مرة عايزة أنتحر ومرة حابة أعالج نفسي عموما أنا حاليا في مود إني أعالج نفسي بس أنا مش حابة أعرف حد خالص
فلو فيه فرصة من غير ما حد يعرف وأول كام سيشن تكون فري على ما أتأقلم يمكن وقتها أتشجع وأقولهم أو معرفش هو أنا من الغردقة أتمنى إن حضرتك تكون من هنا بس مظنش فلو في حد من الموقع يكون تمام أما لو مفيش فأظن ساعتها أنه من الأفضل أفضل ساكتة أحسن.
على الأقل مش هزعج حد بمشاكلي
وآسفة على الإزعاج ولو ممكن تشكر لي دكتور وائل على إزعاجه طول الفترة دي
31/12/2022
رد المستشار
الابنة المتصفحة الفاضلة "سلمى" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
للأسف ليس لدينا مستشارين في مدينة الغردقة ولا حتى محافظة البحر الأحمر، لكنني إن شاء الله سأرتب لقاء معك عبر برنامج زووم وسأبلغك بالموعد المناسب عبر بريدك الإليكتروني... ولن نسمح لك بالبقاء ساكتةً يا "سلمى" يا ابنتي.
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع>>>>: مشكلة ما تمت! قلت انتحار فطار!! م9
تعليقات الأعضاء