مشكلة ما تمت! قلت انتحار فطار!! م11

مشكلة ما تمت! قلت انتحار فطار!! م10
فشل التنفيذ!
 
مبقتش قادرة أسيطر على نفسي أو أفعالي جايز مش عارفة أو حابة أعَرّف حد بس حاولت ألمح لهم محدش فهم والشخصين اللي فهموا استهيفوا الموضوع ومنهم حد قال لي روحي اشتكي لأهلك وكفاية دراما هما فاكرين إنها هزار بس مش مهم
 
ومن قبل الموقف ده بيومين يمكن قبل امتحاناتي بيومين بالضبط حاولت أنتحر بجد كل ما في الأمر إني كنت دايخة بسبب panic attack فممكن نقول أخطأت التصويب أنا حاليا كارهة نفسي وشكلي وجروحي وتصرفاتي، بقيت عصبية أوي، تعاملي وحش، طول الوقت نفسيتي وحشة.
 
 عايزة أنام طول الوقت لما بتعصب بعور نفسي لدرجة أن إيدي جروحها عميقة بسبب ضغطي عليها أنا مش عارفة أنا عايشة ليه حاسة إني ابتلاء لأهلي وحاسة إني عالة أو فاشلة مش حاسة إني صديق كويس أو أصلا لي أصحاب هما كلهم زمايل بدرجات مختلفة بس، لكن معنديش حد تحكيله أهزر معه نخرج سوا أنا وهي مثلا أو حتى لي شلة.
 
ما هو أنا منبوذة غالبا معرفش ليه شايفة ناس بتعيش أحلامي وأنا بتفرج حاسة إني ......... فارغة يمكن لو يبقى عندي الشجاعة تاني هاخد قرار الانتحار ألف مرة وما زلت هاخده تاني في المستقبل لحد ما... معرفش يمكن أنا مثلا مش لطيفة ولا جميلة ولا هادية ولا حتى أي حاجة.
 
قلت لي إيه هي نوع الأفعال المشينة اللي توصل للدعاء؟ أنا نفسي معرفش معظمها حاجات يمكن تصدمك من تفاصيلها التافهة يمكن،
عموما أنا تعبت أو جايز أنا استنفذت كل طاقتي يمكن مكاني مش هنا؟؟!
 17/1/2023