|
| 
|
وسواس قهري في الدين والعلاقة!
الشريك النرجسي
أنا شاكة إن خطيبي نرجسي بسبب تعامله معايا وسيطرته وتحكم غير طبيعي، احنا كنا مرتبطين ٤ سنين واتخطبنا بقالنا شهر لكن دايما في خلافات عايز لبسي بشكل معين وماتعاملش مع حد وقطعت فعلا مع كل صحابي وبعدت عن كل الناس وغيرت لبسي عشانه وبرضو مش عاجبه دايما عايز أكتر وعايزني أسمع كلامه من غير نقاش وبيتعصب ويغلط ويشتم وممكن يمد إيده كمان.
هو بيعترف أنه غلط في وبيحاول يبطل شتايم وأنه أكيد دا غلط وحرام وبيقولي بحاول لكن مبيتغيرش ووقت العصبية بيشتم وألفاظه وحشة جدا وموضوع مد الإيد متكررش لكن دايما يقولي أنا مسكت نفسي بالعافية أكن الطبيعي أنه يضربني، هو مبيتناقش ولا بيسمعني ولما بعيط قدامه بحسه ما بيتعاطفش معايا خالص ولا بصعب عليه ممكن هو اللي يكون مزعلني ويقعد يضحك، ما بحسش إنه بيحس بوجعي وبتعبي رغم إنه لو تعبان بيكبر الموضوع وإزاي مش مهتمة بيه ولا بخاف عليه، فعلا كل حاجة بيعملها بيقولي إن أنا اللي بعملها أنا ندلة وأنا بياعة وأنا محدش بيحبني.
ما بيعتذرش غير نادراً لما أقوله كذا مرة أنه غلطان أنه شتمني مثلا وأني مش هسامحه ولا هكلمه غير لما يعتذر وبيقولها تأدية واجب ما بيغيرش أسلوبه
ودايما عايزني أنا اللي أعتذر وأراضيه وميعديش أي مشكلة بيننا غير لما أعتذر وأقوله أنا غلطانة بحسه بيذلني آخر مرة خلاني أعتذر له ٣ مرات عشان اعتذاري مش عاجبه.
هو دايما بيقول أنه عارف دماغ الرجالة وسمعهم قالوا كذا وبيخاف علي منهم بحسه عايز يحبسني في صندوق أبقى بتاعته لوحده عايز يمتلكني
مفيش بيننا تفاهم ولا أسلوب للنقاش شايف إن الراجل له الأمر في الآخر لو متفقناش يبقى هو اللي كلامه هيمشي، أنا بحبه مش قادرة آخد قرار أني مكملش، أنا قريت كتير عن الشخصية النرجسية وهو فيه نص الصفات اللي قريتها أنا خايفة هو كدا فعلا وعمره ما هيتغير ولا فيه أمل لأني دايما برجع له لما بنسيب بعض على أمل أنه هيتغير المرة دي وأكيد طالما بيحبني هنقدر نكمل بس بنرجع لنفس المشاكل تاني، هو مبينساش كمان أي مشكلة ولا بيسامح رغم أني بعدي له وبنساله كتير بس هو ما بيكذبش ولا بيتعامل مع ستات تانية ولا كان له علاقة غيري أصلا ملوش كلام مع ستات مابيخونش
مش بخيل معايا لغاية دلوقتي ممكن يكون بيكسل يخرج كتير عشان في مسافة بيننا ساعتين، يعني في صفات نرجسية ما بيعملهاش
آخر مرة لما أعتذرت له اتحول في ثانية من عصبي وشتايم ومخنوق لأسلوب تاني خالص في ثانية ولطيف وبيهزر أنا خفت واستغربته جدا
مش عارفة أعمل إيه عايزة أفهم شخصيته بحبه مش قادرة آخد قرار أني أسيبه دايما عندي أمل نكمل ونبقى أحسن، نفسي أبقى مرتاحة مش بطلب منه حاجة لكن هو في المقابل دايما محسسني أني مش كفاية ولازم أغير لبسي وأسلوبي وتعاملي
25/12/2023
رد المستشار
بمصطلح وآخر عملية عقيمة، ومن الأفضل التركيز على تحليل العلاقة وتشخيصها. هذا الوصف في رسالتك هو وصف لعلاقة تشخيصها السيطرة القهرية.
عن طريق السيطرة القهرية يسعى الإنسان تدريجياً إلى عزل الشريك عن نظام الدعم الخاص به. مثل الأصدقاء والعائلة ويحد من اتصاله بهم. ثم هناك الحرمان من الحرية والاستقلال قدر الإمكان ويعقب ذلك مطاردة الشريك ومراقبة تحركاته. يبدأ الشريك بعد ذلك الشك في قدرته وإمكانيته ويتذرع بمختلف الحجج لتبرير سلوكه.
الشتائم والإهانات والانتقادات المختلفة تصيح ظاهرة روتينية وهي لا تختلف بتاتاً عن التنمر، وبعد الزواج يأتي السيطرة المادية وتكليفك بالواجبات المنزلية لتقومي بها بمفردك. هناك من يتجاوز الحدود ويسيطر حتى على ما يأكله ويلبسه الشريك، ومع وصول الأطفال لا يتوقف عن إهانة زوجه.
الدخول في علاقة سيطرة قهرية بسيط للغاية والأمل هو أنه سيتغير ولكن لا يحدث ذلك. الخروج من علاقة سيطرة قهرية صعب للغاية حتى وإن فتح الشريك المسيء الباب على مصراعيه لضحيته التي تخشى ولا تعرف الحياة خارج الزنزانة.
هذا تحليل الموقع.
وفقك الله.
ويتبع>>>: وسواس قهري في الدين والعلاقة! م1
تعليقات الأعضاء